Këshilla & Arsye

September 9, 2020 | 8:12

Çantat e shpinës, pesha e saktë për të mbrojtur shpinën e fëmijëve

Në shumicën e rasteve fëmijët mbajnë pesha shumë të rënda në çantën e shpinës. Kjo mund të jetë mjaft e rrezikshme për shpinën e tyre. Këshillohet që të njihni peshën e duhur të çantës së shpinës në mënyrë që të parandaloni dëmtimin e shëndetit.

Çanta shpine, pesha e saktë për të mbrojtur shpinën e fëmijëve

Le të fillojmë duke thënë se çantat e shpinës nuk duhet të kalojnë kurrë 10% të peshës së fëmijës që e mban atë. Kjo mund të shmangë shumë rreziqe për shpinën e tyre. Ne të gjithë duhet të mbajmë nën vëzhgim mbingarkesën që ka mbi shpatulla fëmija kur bëhet gati të shkojnë në shkollë.

Tashmë kur na ndajnë më pak se një javë nga momenti i hapjes së shkollave duhet t’i kushtojmë vëmendje gjithçkaje që ka lidhje me shëndetin e fëmijëve. Ndoshta çanta e shpinës është diçka e cila shpesh na shpëton, por në realitet është e një rëndësie jetësore. Prandaj duhet të jemi në gjendje të kuptojmë më shumë për të zgjidhur problemet e shpinës me të cilat mund të përballen fëmijët tanë, duke marrë vetëdije për realitetet shkencore dhe mbi të gjitha duke pasur parasysh se ngarkesa në shpinë mund të shkaktojë probleme.

Pesha e çantave të shpinës duhet të mbahet nën kontroll, ne duhet të shmangim ekzagjerimin e ngarkesës pasi mund të rezultojë joproduktive për shpinën e fëmijëve. Për të gjithë fëmijët që po i afrohen fillimit të vitit të ri shkollor është mirë të dinë se ngarkesa brenda çantave të shpinës nuk duhet të kalojë kurrë 10% të peshës totale të fëmijës që e mban atë. Për më tepër, problemi është se këto çanta shpine mbahen edhe për një kohë të gjatë. Në fakt, fëmijët e mbajnë çantën në shpinë sapo largohen nga shtëpia derisa hyjnë në klasë.

Këshilla

Ndonjëherë këto çanta shpine nuk vendosen fare në tokë edhe pas largimit nga shkolla. Fatkeqësisht, çantat e shpinës kanë edhe një të metë tjetër të madhe që edhe kur janë bosh ato peshojnë shumë. Një nga këshillat që do të dëshironim t’ju jepnim, veçanërisht kur fëmijët ndjekin kopshtin ose shkollën fillore, është që të bisedoni me mësuesit e ndryshëm dhe organizoni gjithçka që është thelbësore për të marrë në shtëpi dhe gjithçka që mund të lihet në klasë.

Kjo mund të jetë një zgjidhje për të lehtësuar çantat e shpinës së fëmijëve tuaj. Në shumicën e rasteve, librat shkollorë ose objektet e tjera të padobishme vendosen në çantat e shpinës dhe qëndrojnë aty për gjithë ditën, pa u prekur fare.

Rreziqet

Pesha e tepërt gjatë udhëtimit nga shtëpia në shkollë dhe madje ndonjëherë edhe gjatë mësimit, çon në qëndrime të pasakta, në pozicione jo të duhura në karrige dhe rrjedhimisht në tavolinë edhe kur çantat e shpinës vendosen në pjesën e pasme të karrigeve.

Kjo mund të çojë në parehati fillestare të shpinës

– Para së gjithash çanta e shpinës duhet të jetë e pajisur me një shtresë të ngurtë mbrapa në mënyrë që të zvogëlojë këto bezdi.

– Rripat e shpatullave duhet të jenë të gjera dhe të mbushura në mënyrë që të mos krijojnë shqetësime në lëkurë.

– Këto duhet të pozicionohen gjithmonë në të njëjtën masë, pasi një më e gjatë do të çonte në një sjellje të gabuar.

Këto janë këshilla të thjeshta që ne mund t’i vëmë në praktikë në jetën e përditshme duke shmangur krijimin e shqetësimeve në shëndetin e fëmijëve tanë dhe sjelljen e tyre.

 

Burimi / https://www.chedonna.it/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top