Vjen një kohë në jetë kur ju duhet të merreni me flokët e bardha dhe duhet të vendosni nëse: do të vazhdoni t’i mbuloni ose do t’i lini ashtu siç janë dhe të ndjeheni më të lirë? Nuk është gjithmonë e lehtë të përqafosh filozofinë “flokët gri nuk janë një problem”, megjithatë ka gra që dinë të mbajnë joshjen dhe hijeshinë e tyre pavarësisht nga fakti se flokët e tyre janë bërë ‘kripë dhe piper’.
Caroline di Monaco, Princesha e Hanoverit është mes tyre. Në postimin pas izolimit në fillim të vitit, gjatë Ditës Kombëtare të Principatës së Monakos në Monte Carlo, princesha u shfaq me një ndryshim të pamjes. Ajo mori pëlqimin e fansave nga e gjithë bota, për guximin dhe zbulimin e flokëve natyralë dhe atë që kishte mbetur nga lyerja e fundit. Tani në kulmin e verës, princesha ka zbuluar rezultatet, një prerje e shkurtër bob dhe flokët e saj të argjendtë natyralë. Ky është një shembull i elegancës dhe klasit të padiskutueshëm.
Caroline di Monaco nuk është e vetmja që na jep një mësim stili që nuk përcaktohet nga mosha, aktorja Sarah Jessica Parker, vetëm disa javë më parë, postoi në Instagram një foto ku shfaqet së bashku me të dy protagonistët: Cynthia Nixon (Miranda) dhe Kristin Davis (Charlotte) me flokët e saj të mahnitshëm dhe të pagabueshëm midis atyre të verdhë dhe gri.
Trendi i shfaqjes dhe rritjes së flokëve gri tani po bëhet gjithnjë e më popullor. Nëse dikur, me daljen e fijeve të para të bardha shkuarja në parukeri për t’i mbuluar ato ishte e domosdoshme, sot ne jemi dëshmitarë të një ndryshimi të vërtetë të kursit dhe nuk ka më turp për t’u parë me rigjenerimin dhe flokë të bardha, të cilat janë gjithmonë e më shumë në trend. Sidomos kur pamja natyrale suportohet në një mënyrë rastësore dhe elegante.
Edhe Letizia e Spanjës, Kate Middleton dhe Andie Macdowell bashkohen me yjet që kanë përqafuar me krenari flokët e argjendta, së bashku me gratë e kalibrit të Jane Fonda, Allison Janney dhe Glenn Close që kanë zgjedhur këtë ngjyrë si stilin e tyre.
Burimi / https://www.vanityfair.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
