FB

July 29, 2022 | 9:45

Çfarë do të thotë të vërtetosh emocionet e të tjerëve

Vërtetimi emocional ka të bëjë me komunikimin me një person tjetër që po e dëgjojmë. Është të pranojmë përvojën emocionale që dikush ndjen në një moment të caktuar dhe ta komunikojmë atë qartë përmes fjalëve ose veprimeve tona. Do të thotë t’i bësh të vlefshme reagimet dhe këndvështrimin e tij.

Si të vërtetoni emocionet e të tjerëve

Vërtetimi i emocioneve të tjera mund të jetë një detyrë më komplekse sesa mendojmë. Për fat të mirë, terapia e sjelljes dialektike ofron gjashtë nivele të vërtetimit.

Kushtojini vëmendje

Niveli më themelor i vërtetimit emocional i referohet dëgjimit dhe vëzhgimit të folësit me kujdes. Nuk mjafton të shikosh personin, duhet të interesohemi për atë që ka për të thënë, t’i mbajmë vështrimin, t’i bëjmë të ditur se po e dëgjojmë.

Reflektoni

Është e rëndësishme të mendoni me kujdes për të kuptuarit e vërtetë të asaj që keni dëgjuar. Bëhet fjalë për “kthimin” ndaj personit atë që na ka thënë përmes përsëritjes ose parafrazimit, si një pasqyrë.

Emërtoni të pathënat për të vërtetuar emocionet e të tjerëve

Niveli i tretë i vlefshmërisë konsiston në artikulimin e asaj që nuk është shprehur në mënyrë eksplicite nga personi tjetër, por që ne zbulojmë në fjalimin e tij, duke u siguruar që është e saktë.

Kuptoni reagimin e tjetrit

Për të vërtetuar emocionet e të tjerëve, është thelbësore të kuptohen shkaqet e reagimit të tyre. Çdo emocion fillon nga një kontekst, një situatë, një histori.

Vlerësoni emocionet e të tjerëve duke i njohur ato

Të njohësh vërtetimin emocional do të thotë të kuptosh pse sjellja e personit tjetër ka kuptim në rrethanat aktuale. Është shënimi dhe komunikimi që ndjenjat janë përgjigje të vlefshme sepse ato përshtaten me kontekstin aktual.

 

 

Përgatiti K.I / Burimi lamenteemeravigliosa.it

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Drejtor Marketingu - Geart Shehu: 0682097486
Agjente Marketingu:
Erinda Topi: 0688019400
Boana Shenjtolli: 0694767053
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top