Në një moment pyesim veten, kur mërzia dhe mosdashja për të bërë asgjë bëhen të tepërta ose ndodhin shpesh, kur thjesht nuk mund të marrim përsipër një projekt, aktivitet fizik, rrugën për të arritur një qëllim të caktuar.
Hapi i parë mund të jetë vlerësimi i shkaqeve dhe arsyeve të mundshme për apatinë:
1) Ankthi (nga performanca)
Ju nuk mund të përballoni ankthin e afatit, përgjegjësinë e detyrës dhe, kështu, hiqni dorë nga ndjenja e përtacisë, inercisë dhe rëndimit.
2) Perfeksionizmi
Dëshira që gjithçka të jetë perfekte mund t’ju çojë në prograstinimin, të mos përfundoni një detyrë të caktuar, madje të mos e filloni fare, pikërisht sepse diçka duket se mungon gjithmonë.
3) Lodhje
Ajo që ju e përcaktoni si dembelizëm mund të jetë lodhja fizike dhe/ose mendore . Pra, mund ta ngatërroni asteninë me plogështinë.
4) Mungesa e motivimit
Ndër arsyet e përtacisë, mund të jetë mungesa e motivimit, për një projekt, për një punë, për një aktivitet që nuk i përshtatet fijeve tuaja, që keni ndërmarrë për çfarëdo arsye, përveç bindjes së vërtetë
5) Frika
Ndër gjërat që fshihen pas dembelizmit, mund të jetë frika për të bërë gabime ose frika e suksesit që mund t’ju mbajë prapa dhe t’ju pengojë të bëni hapin e parë drejt qëllimit tuaj.
6) Mungesa e organizimit
Përtacia mund të lindë nga mungesa e organizimit ose nga planifikimi i gabuar, sepse mund të llogaritni gabimisht kohën, të shpërqendroheni duke humbur kohë dhe energji, të vendosni synime shumë të larta për t’u arritur në një kohë të shkurtër. Kështu, pa një udhërrëfyes për të gjurmuar rrugën, ju ndjeni peshën e detyrave dhe hiqni dorë.
7) parehati
Përtacia mund të jetë një simptomë e shqetësimit fizik ose psikologjik. Natyrisht, është vetëm një pikënisje, për t’u konstatuar me këshillën e një eksperti.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
