Që nga fëmijëria gjithmonë jemi paralajmëruar për efektet e dëmshme të alkoolit. Nuk ka dyshim se alkooli luan një rol të madh në shumicën e jetëve të të rriturve, madje është raportuar se më shumë se 50% e të rriturve amerikanë pinë alkool në baza mujore. Pirja me raste përmirëson shëndetin në mënyra të caktuara, por pirja në mënyrë të rregullt nuk ka të njëjtin efekt.
Jo për t’ju frikësuar, por efekti i dëmshëm i alkoolit ndikon në inflamacionin e organeve dhe nyjet, dëmtimin e mëlçisë, diabetin dhe dëmtimit të mundshëm të ADN-së, së bashku me efektet anësore që përfshijnë ndryshimet në humor, dhimbjet e kokës, zakonet e këqija të gjumit, lëkurën e thatë….
Por lajmi i mirë është se trupat tanë mund të kthejnë prapa dëmin e bërë nga konsumimi i alkoolit në një shpejtësi mjaft të mirë dhe sa më gjatë të qëndroni pa pirë alkool, aq më i shëndetshëm do të jetë trupi dhe lëkura juaj.
Dëshironi të dini se sa kohë do të duhet që ndryshimi të fillojë?
– Një orë pas pijes të fundit. Kjo është koha kur trupi juaj fillon të punojë më tepër për të nxjerrë alkool nga qarkullimi i gjakut, mëlçia juaj punon më shumë dhe pankreasi gjithashtu prodhon më shumë insulinë, e cila shpjegon me dëshirat intensive që përjetojmë pas pirjes.
– 12 deri në 24 orë pas pijeve të fundit. Sheqeri i gjakut më në fund arrin në nivele normale, megjithatë në qoftë se ju jeni mbingarkuar, atëherë mund të përfundoni me një kulm të sheqerit në gjak që nuk do të normalizohet për ditë. Sigurohuni që të zëvendësoni ëmbëlsirat tuaja, ushqimet junk dhe yndyrnat e pashëndetshme me fruta dhe perime, të cilat mund të ndihmojnë në dehidrimin, kështu që mbani një shishe ujë afër .
– 72 orë pas pijeve të fundit. Koha kur çdo efekt anësor largohet plotësisht nga sistemi juaj. Ju do të ndiheni normalë përsëri fizikisht dhe mentalisht.
– Një javë pas pijeve të fundit. Ju filloni të flini më thellë, gjë e cila përmirëson nivelin tuaj fizik dhe mendor të energjisë, lëkura juaj fillon të duket më rinore, pasi niveli i hidratimit rikthehet.
– Një muaj pas pijeve të fundit. Yndyra e mëlçisë ulet me 15% që përmirëson aftësinë për të filtruar toksina nga sistemi juaj, gjithashtu filloni të vëreni një ndryshim të qartë në yndyrën e barkut dhe lëkura juaj fillon të duket dukshëm më mirë.
– Një vit pas pijeve të fundit. Pas një viti nga pija juaj e fundit do të humbni deri në 6 kilogramë, mëlçia juaj funksionon në fuqi të plotë dhe rreziku për mëlçinë dhe kancerin zvogëlohet.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
