Në një vit të vështirë si ky, fakti i të qenit së bashku rreth pemës së Krishtlindjes është diçka për t’u gëzuar: ka shumë çifte që e gjejnë veten duke jetuar pushimet veç e veç për shkak të kufizimeve të udhëtimit për shkak të pandemisë Covid -19. Të kesh mundësinë për t’i kaluar afër është një arsye e shkëlqyeshme për të siguruar që pushimet të jenë një kohë e qetë, në të cilën mund të rimbushni bateritë dhe të merrni energji të reja nga njëri-tjetri.
Kështu që këtu janë disa dhurata, të paprekshme, por gjithmonë të këndshme për tu marrë, me të cilat mund të gëzojmë zemrën tonë, dhe në të njëjtën kohë veten, me rastin e Krishtlindjes, por edhe në të gjitha ditët e tjera të vitit.
Më shumë dhurata – Sigurisht, disa dhurata të këndshme janë të domosdoshme për Krishtlindje. Edhe nëse partneri është një subjekt i vështirë, sepse duket se ka gjithçka, afeksioni meriton një kërkim të kujdesshëm për gjetjen e dhuratës së duhur. Duke qenë se vajtja në dyqane këtë vit është e ndërlikuar dhe blerjet bëhen online, fare mirë aty mund të gjejmë edhe ndonjë ide dhe mund të mendojmë. A e dëshiron ai (apo ajo) me çdo kusht surprizën? Le të imagjinojmë diçka që do të dëshironim të bënim së bashku dhe të marrim frymëzim prej saj.
Respekt dhe mbështetje – Fakti që kemi pranë një partner që na mbështet pa kushte është një siguri që ia vlen të theksohet në çdo mundësi. Ne duhet të gjejmë një mënyrë ose një gjest të aftë për të shprehur respektin dhe afërsinë tonë, si dhe dashurinë tonë, ndoshta duke pranuar një pasion që nuk e ndajmë plotësisht.
Një mundësi për t’u argëtuar së bashku – Në rregull, nga ky këndvështrim Covid e ndërlikon jetën tonë në mënyrë të konsiderueshme, por me pak imagjinatë ne gjithmonë mund të gjejmë një mënyrë për t’u argëtuar së bashku. Një film në shtëpi nuk është njëlloj si të shkosh në kinema dhe vallëzimi nën muzikën e stereos nuk krahasohet me një natë në disko, por ne duhet të bëjmë një virtyt të domosdoshmërisë dhe të mendojmë se në këtë mënyrë bëjmë më të mirën për të mbajtur veten të shëndetshëm… dhe të mos infektojmë të dashurit tanë.
Një pushim nga ankthet – Jeta në këtë periudhë është aq e vështirë sa kërkon pushim. Vendosim në kllapa, për aq sa është e mundur, mendimet e trishtuara, shqetësimet dhe ankthin që përjetojmë në jetën e përditshme dhe i japim vetes dhe partnerit tonë një moment të qetë, në të cilin mbledhim energji dhe shijojmë shoqërinë e njëri-tjetrit.
Të afërmit – Ky është ndoshta aspekti i vetëm pozitiv i një Krishtlindjeje gjysmë të mbyllur: kufizimet në lëvizje dhe takimet e pakta na mbrojnë nga bashkimet e palumtura me të afërmit, të cilët jemi të detyruar t’i takojmë, “të paktën për Krishtlindje”.
Mos kritikoni familjet përkatëse – Sidomos këtë vit kur takimi është kaq i vështirë, përpiquni t’i shmangni komentet për nënat përkatëse, kushërinjtë dhe vëllezërit. Karakteri i secilit prej nesh është ai që është, dhe privatësitë e këtij viti nuk na kanë përmirësuar. Edhe nëse takimet janë vetëm virtuale, ne duhet të bëjmë më të mirën për të shmangur kritikat dhe grindjet. Le të kujtojmë se mami është gjithmonë nënë, edhe nëse është e mërzitshme. Le ta trajtojmë atë si një tabu (qoftë kjo nëna apo vjehrra) mbi të cilën nuk lejohet asnjë kritikë, madje as virtuale.
Përqendrohuni tek thjeshtësia – Ngjarjet e trishtueshme të këtij viti na kanë detyruar të përqendrojmë vëmendjen tonë në gjërat me të vërtetë të rëndësishme: ne duhet ta bëjmë këtë edhe për Krishtlindje, pa u shqetësuar nëse një pjatë nuk është e përsosur, nëse marrim një dhuratë ndryshe nga ajo që prisnim dhe nëse shtëpia nuk shndërrin nga të gjitha anët. E rëndësishme është që më shumë se kurrë të jemi me njerëzit që duam, ose të paktën me disa prej tyre.
Së bashku edhe nga larg – Nëse nuk jemi së bashku për Krishtlindje për shkak të punës, kufizimeve të udhëtimit ose për arsye të tjera, duhet të kujtojmë se teknologjia është edhe një herë aleati ynë. Tani jemi ekspertë në biseda me video dhe takime virtuale: nuk do të jetë e njëjta gjë, por në rastin më të keq, mund të hani drekë së bashku ose të hapni dhuratat së bashku, duke qëndruar secili në shtëpi. Vërtetë që nuk është më e mira në jetë, por gjithmonë është më mirë se asgjë.
Burimi / https://www.tgcom24.mediaset.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
