Kërkimet më të fundit kanë gjetur se çokollata e zezë është më e mira më shëndetin. Rezultatet e studimeve kanë treguar se ajo përforcon sistemin imunitar, shëndetin e zemrës dhe kujtesën.
Ndërkohë që shumica e çokollatave kanë më shumë se 70% kakao, ekipi në Universitetin Loma Linda të Kalifornisë ka gjetur se një përqendrim kaq i lartë ndihmon në nxitjen e sistemit të trurit dhe kardiovaskular duke rritur qarkullimin e gjakut dhe uljen e inflamacionit.
Nga ana tjetër, studiuesit thonë se ata që hanë çokollatën e zezë kanë nivele më të ulëta të stresit dhe imunitet më të fortë.
“Për vite me radhë kemi parë ndikimin e çokollatës së zezë në funksionet neurologjike nga pikëpamja e përmbajtjes së sheqerit – sa më shumë sheqer, aq më të lumtur jemi “, tha autori kryesor Lee Berk, i cili e përcaktoi atë si një ‘superushqim’.
“Kjo është hera e parë që ne kemi parë ndikimin e sasive të mëdha të kakaos, në doza aq të vogla, te njerëzit në periudha të shkurtra ose të gjata kohore”.
‘Këto studime na tregojnë sa më i lartë të jetë përqendrimi i kakaos, aq më shumë ndikon në njohjen, kujtesën, disponimin, imunitetin dhe efektet e tjera të dobishme’.
Kakao është e pasur me flavanolë – antioksidantë që gjenden në fruta dhe perime që luftojnë inflamacionin.
Pavarësisht se është një pjesë vitale e reagimit imunitar të trupit, ajo luan një rol në kancerin, sëmundjet e zemrës, diabetin dhe depresionin.
Hulumtuesi kryesor Prof. Berk dhe kolegët kryen dy studime për të provuar efektin e ngrënies së çokollatave të zeza në sistemin imunitar dhe tru.
Çokollatat me 70% kakao kanë rritur prodhimin e kimikateve që luftojnë inflamacionin duke ndryshuar shprehjen e gjeneve. Ato përmirësuan kujtesën duke rritur lidhjet midis qelizave të trurit – një proces i njohur si ‘neuroplasticitet’.
Hulumtuesit thanë në një njoftim për shtyp: “Gjetjet tregojnë se ky superfood prej 70% kakao rrit neuroplasticitetin për sjelljen dhe përfitimet e shëndetit të trurit”.
Prof. Berk, i cili prezantoi gjetjet në Takimin vjetor të Biologjisë Eksperimentale në San Diego, tha se kakaoja është një burim i madh i flavonoideve. Por kjo është hera e parë që efekti është studiuar tek njerëzit për të përcaktuar se si mund të mbështesë shëndetin kognitiv, hormonal dhe kardiovaskular.
Prof. Berk tha se flavonoidët që gjenden në kakao janë antioksidantë dhe agjentë anti-inflamatorë jashtëzakonisht të fuqishëm me përfitime të njohura për shëndetin e trurit dhe kardiovaskular.
Ai tha se studimet kërkojnë hetime të mëtejshme, specifike, për të përcaktuar rëndësinë e këtyre efekteve për qelizat imune dhe trurin në popullata më të mëdha.
Vitin e kaluar një studim i shkencëtarëve italianë zbuloi gjithashtu se çokollata e errët nxiti rrjedhjen e gjakut në pjesët kyçe të trurit – përmirësimin e kujtesës dhe hapësirën e vëmendjes.
Ata thanë se ato ishin të mira për shëndetin e zemrës dhe çështje gri të lidhura me rënien e moshës. Njerëzit që hëngrën çokollatë çdo ditë kishin vëmendje më të mirë, kujtesë pune, aftësi për të përpunuar me shpejtësi dhe rrjedhshmëri verbale.
Eksperimentet treguan se për njerëzit e moshuar ngrënia çdo ditë e çokollatës, përmirëson funksionin e trurit.
Përfitimet ishin më të theksuara në ata njerëz që kishin filluar të tregonin shenja të rënies së kujtesës ose dëmtim të butë njohës që mund të çojë në Alzheimer.
Përgatiti: Brikela Daci | Burimi / http://www.dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
