Mirëqenie

September 12, 2020 | 8:06

Dieta me kivi zgjedhja e duhur për të forcuar sistemin imunitar dhe për të mbajtur nën kontroll tensionin

Kivi është një frut i veçantë i cili, kur shtohet në dietë, sjell përfitime të shumta. Midis këtyre, mund të përmendim aftësinë për të përmirësuar efikasitetin e sistemit imunitar dhe për të mbajtur nën kontroll tensionin. Sa i përket përfitimit të parë, duhet të themi se kjo vjen falë vitaminës C (ose acidit askorbik). Ky antioksidant i jashtëzakonshëm nuk është vetëm një aleat i mrekullueshëm në luftën kundër radikalëve të lirë. Kur bëhet fjalë për efektet e tij në shëndet, është e nevojshme të mbani mend edhe pasojat në sistemin imunitar.

Ky përfitim është futur disa herë nën lentet e kërkimit. I denjë për t’u përmendur, midis shumë punimeve shkencore, është një studim i botuar për herë të parë në 2012 dhe i kryer nga një ekip aktiv në Universitetin Massey në Auckland (Zelanda e Re).

Ekspertët në fjalë kanë konfirmuar aftësinë që kivi ka për të mbështetur funksionet imune të trupit tonë dhe, posaçërisht, për të zvogëluar incidencën dhe ashpërsinë e ftohjeve dhe sëmundjeve të ngjashme me gripin. Siç u përmend më lart, kivit mund të jenë aleatë të shkëlqyeshëm në kontrollin e presionit të gjakut, nivelet e të cilave janë shumë të rëndësishme për shëndetin kardiovaskular.

Ne mund të vazhdojmë edhe më tej me arsyet pse ky frut i jashtëzakonshëm është i mirë për ju! Një dietë me kivi është në fakt një zgjedhje e dobishme për të parandaluar problemet e mpiksjes së gjakut, por edhe për të mbrojtur shikimin. Të pasura me minerale të çmuara si hekur, kalcium, magnez, natrium dhe bakër, kivit duhet të shmangen ose të konsumohen me kujdes në rast alergjie dhe në rast të problemeve me veshkat.

 

 

Burimi / https://dilei.it/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top