Të shtrihesh në shtrat dhe të pushosh është vërtet shumë e vështirë kur ankthi të mbyt gjumin. Është një ndjenjë e zakonshme, por mund të ndodhë që të jetë aq e fortë sa të ndikojë në jetën tuaj dhe madje edhe në pushimin e natës. Cilat janë simptomat që duhen njohur dhe si mund të parandalohen?
SIMPTOMAT
- Ndjenjat e nervozizmit, shqetësimit
- Vështirësi për t’u përqendruar
- Vështirësi për të fjetur ose për të qëndruar në gjumë
- Probleme gastrointestinale
- Sulmet e panikut
- Ndjenja e dënimit të afërt
- Rritje të rrahjeve të zemrës dhe dhimbje gjoksi
- Frymëmarrje dhe shtrëngim në fyt
- Djersitje, të dridhura dhe afshe të nxehta
- Marramendje
Problemet e gjumit dhe ankthi duket se shoqërojnë njëra-tjetrën. Mungesa e gjumit mund të jetë një shkas për ankth, ndërsa ankthi mund të çojë edhe në mungesë gjumi. Çfarë mund të bësh? Ju duhet të korrigjoni disa aspekte të jetës tuaj.
MEDITIMI
Meditimi është praktikë e ndërgjegjes. Provat sugjerojnë se edhe një seancë e vetme meditimi mund të jetë e dobishme në reduktimin e ankthit. Gjithnjë e më shumë përfitime mund të shihen në planin afatgjatë.
FRYMËMARRJE E THELLË
Frymëmarrja e thellë është një mënyrë e shkëlqyer për të reduktuar ankthin dhe stresin. Ajo mund të ngadalësojë rrahjet e zemrës dhe të përmirësojë presionin e gjakut.
LISTA E GJËRAVE PËR TË BËRË
Një nga shkaktarët është shqetësimi për aktivitetet e përditshme, prandaj mund të vëreni se ankthi rritet më shumë gjatë natës. Krijimi i një liste detyrash për ditën ose javën mund të ndihmojë në reduktimin e saj.
ZAKONE TË SHËNDETSHME TË GJUMIT
Një nga mënyrat më të rëndësishme për të lehtësuar ankthin e natës është përmes zakoneve të gjumit të shëndetshëm. Sigurimi që jeni të lumtur dhe rehat në dhomën tuaj të gjumit do t’ju ndihmojë të përmirësoni cilësinë e gjumit.
USHTRIMI DITOR
Ushtrimi mund të ndihmojë në përmirësimin e cilësisë dhe kohëzgjatjes së gjumit. Nëse jeni duke përjetuar ankth gjatë natës, ushtrimet në mëngjes mund t’ju ndihmojnë të flini më gjatë. Shmangni sportet në mbrëmje.
FIK PAJISJET ELEKTRONIKE
Kur të futeni në shtrat, harroni pajisjet elektronike. Kjo për shkak se drita blu artificiale mendohet se shtyp hormonin e gjumit melatonin, duke e bërë më të vështirë të biesh në gjumë.
Burimi / https://www.donnad.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
