Nëna është shtruar në spital, në gjendje kritike dhe nuk mund të marrë pjesë në dasmën e vajzës së saj. Vajza nuk mund ta shohë atë, për shkak të kufizimeve anti-Covid që pengojnë pranimet në spitale. Por ajo nuk heq dorë.
Falë ndihmës së stafit shëndetësor dhe personelit të sigurisë, ajo është në gjendje të vizitojë nënën e saj – në mënyrë të sigurt dhe në përputhje me rregullat e Coronavirusit.
Ndodhi në spitalin Mare në Napoli ku një çift i martuar, i veshur me rrobat e ceremonisë, arritën të takonin gruan falë një shtegu “të sigurt” me maska, doreza dhe hapësira, të organizuar nga personeli shëndetësor dhe nga rojet e sigurisë të strukturës.
Shumë emocion dhe madje edhe lot për një gjest të vogël që për një moment anuloi brutalitetin e pandemisë.
Në fakt, muajt e fundit, mijëra pacientë po përballen me vuajtjet vetëm në spital dhe po aq të afërm jashtë i presin, duke pritur që më në fund të jenë në gjendje t’i ndihmojnë dhe përqafojnë përsëri.
Përgatiti Orjona Tresa / Burimi Repubblica Napoli
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.