Në fokus

September 15, 2020 | 8:07

Esmeralda Birçaj: Boshllëqet e kujtesës janë tregues i inteligjencës

Nëse zbuloni se aftësia juaj për të mësuar përmendësh me lehtësi shumë informacion (dhe përkundrazi të padobishëm) është një shenjë e epërsisë shpirtërore, gjetjet e reja të shkencëtarëve nga Kanada-ja me siguri do t’ju zhgënjejnë.

11

Vetë neuroshkencëtarët kanë besuar prej kohësh se kujtesa e dobët është rezultat i një mosfunksionimi në mekanizmat e trurit që janë përgjegjës për ruajtjen dhe marrjen e informacionit. Por sipas Paul Frankland dhe Blake Richards nga Universiteti i Torontos, truri i njeriut po përpiqet të harrojë.

Të dy studiuesit argumentojnë se qëllimi i kujtesës nuk është të ruajë sa më shumë informacione për përdorimin e ardhshëm, por të ruajë vetëm më të dobishmit prej tyre, në mënyrë që të udhëzojë dhe optimizojë vendimmarrjen.

“Është e rëndësishme që truri të harrojë detajet e parëndësishme dhe të përqendrohet vetëm në gjëra që do të ndihmojnë në marrjen e vendimeve në botën reale,” tha Richards.

Studimi nga dy studiuesit, botuar në revistën Neuron, u bazua në një mori të dhënash të disponueshme për kujtesën dhe harresën.

Një kuptim më i thellë i funksionit të trurit, siç tregojnë hulumtimet, ka bërë që studiuesit të konkludojnë se procesi i ruajtjes së informacionit të ndryshëm është po aq i rëndësishëm sa edhe procesi i fshirjes së tij nga kujtesa.

Ky bashkëveprim i memorie-harresës, përfundojnë studiuesit, na lejon të bëjmë zgjedhje më të zgjuara dhe të marrim vendime më të mira.

Pra, mos u bëni keq nëse harroni gjërat e vogla të përditshme, siç janë ato që hëngrët dje, pasi kjo ndoshta tregon se truri juaj po e kryen punën e vet si duhet!

 

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top