Përgatiti Aida Shquti
Keni dëgjuar se frymëmarrja me gojë shkakton fryrjen e barkut? Ja si qëndron e vërteta!
Përveç mbingrënies ose tejkalimit të pirjes së lëngjeve, kombinimit të disa ushqimeve ndaj të cilëve mund të jemi intolerantë, pra organizmi ynë ka vështirësi në tretjen e tyre, oraret e parregullta të të ngrënit, sot do ju flasim për disa faktorë të tjerë që çojnë në fryrjen e barkut.
- Ngrënia e çamçakëzit
- Pirja e lëngjeve me pipa
- Frymëmarrja me gojë
- Përtypja me shpejtësi e ushqimit
- Ushqimet e konservuara
- Ushqimet e përpunuara
- Ushqimet e ngrira
- Pirja e ujit gjatë ngrënies
Mund t’ju duket e çuditshme, por kur hamë çamçakëz, pijmë lëngje me pipa, marrim frymë me gojë dhe e hamë ushqimin shumë shpejt, një sasi më e madhe ajri dërgohet në stomak duke çuar në fryrjen e tij.
Ushqimet e konservuara, të përpunuara dhe ato të ngrira përmbajnë sasi të larta sodiumi, kripë, gjë e cila na bën të konsumojmë më tepër ujë.
Duhet të sigurohemi, të pimë ujë 20 minuta përpara ushqimit ose 1 orë pasi kemi ngrënë, dhe jo gjatë vaktit. Gjithashtu, ecja, aerobia, meditimi ose konsumi i ujit të ngrohtë me limon, xhinxher dhe kopër përpara vakteve, ndihmon tretjen dhe parandalon fryrjen e barkut.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.