Shpesh herë ndjehemi të mërzitur pa një arsye konkrete. Nga kërkime të shumta rezulton që dhe pse nuk arrijmë t’i shikojmë këto arsye ato janë mes nesh. Disa janë mjekime që mund të kemi përdorur, stresi, ndonjë zënie e rastit etj.
Më poshtë mund të lexoni disa nga gjërat që duhet të hiqni dorë për ta patur lumturinë dhe qetësinë pran jush shumicën e kohës:
Të gjykosh të tjerët: Duke kritikuar të tjerët krijojmë negativitet dhe në jetën tonë ndoshta do të ishte më mirë të shihnit pjesën pozitive të gjithë secilit.
Keqardhje dhe pendesa për të kaluarën: Jeta është e mbushur me gabime por prandaj është dhe e bukur sepse gjithmonë kemi kohë ti rregullojmë ato. Duke menduar për të kaluar nuk do të zgjidhim problemet ndaj dhe është mirë të shihni drejt së ardhmes.
Frikë nga e panjohura: kjo lloj frike mund t’ju sjelli ankthe dhe nuk ju lejon të jetoni të qetë. Përballuni sa me shpejt të jetë e mundur në mënyrë që mos ti kushtoni rëndësi pengesave që mund të zgjidhen.
Xhelozia: Rrjetet sociale në ditët e sotme na lejojnë të shohim vetëm pjesët pozitive të jetës dhe kjo, duke mos qenë jeta reale gjithmonë e bukur na bën të ndihemi xheloz. Kujtohuni që të merrni të mirën prej jetës së secilit prej shokëve dhe shoqeve.
Perfeksioni: Modelet”perfekte” që ka vendosur shoqëria e sotme na bëjnë të dyshojmë për atë që jemi dhe si rrjedhojë të ndihëm keq me veten. Askush nuk ka të drejtë t’ju tregojë se si duhet të dukeni, të visheni apo të silleni. Perfeksioni nuk ekziston.
Burimi / Intv.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
