A keni vërejtur se disa individë nuk dinë si të merren me komplimentet? Njerëzit kanë tendencë të sabotojnë komplimentet e të tjerëve. Ndonjëherë, madje edhe vetëm komplimente për veshjet. Ata e lavdërojnë këpucën tonë, ne themi se është e vjetër. Është sikur ne nuk besojmë se jemi vërtet të lavdërueshëm. Kjo është e çuditshme.
Në fakt nuk është e lehtë të kultivosh një imazh pozitiv për veten, pasi shumica prej nesh është larg përsosjes estetike të promovuar nga media në përgjithësi. Ne e shohim veten shumë larg nga ato modele bukurie që na rrethojnë, nga ai konsum i shfrenuar, nga ai gëzim i shkujdesur dhe i vazhdueshëm, saqë ndjehemi gjithnjë e më pak të merituar për lumturinë. Për më tepër, ekziston një konkurrencë e madhe, jo vetëm në vendin e punës, por në fusha të ndryshme të jetës sonë, përfshirë familjet tona.
Shumë i llogarisin fjalët, gjestet, sjelljet, në mënyrë që ato të mos jenë afër thelbit të tyre. Shumë veprojnë vetëm për të marrë atë që duan, pavarësisht nga ndjenjat e të tjerëve dhe kjo e bën besimin tonë te njerëzit gjithnjë e më të brishtë. Ne rritemi në kërkim të pranimit, ndërsa jemi të bombarduar me defektet tona të pretenduara të thëna ditë pas dite. Dhe, për t’i bërë gjërat edhe më keq, ne kemi një tendencë për të mbajtur atë që është e keqe, në të njëjtën kohë ne fshijmë shpejt të mirën.
Prandaj, urgjentisht na duhet të marrim lavdërime, dhurata, mirësi, me mendje dhe zemër të hapur, pa rezerva, pa shqetësime. Është kaq e nevojshme që njerëzit të kapen pas asaj që është e mirë, është kaq e vlefshme të mbajnë atë që është pozitive në zemrat e tyre.
Ka kaq shumë të keqe, sa duhet të shpëtojmë veten. Të falënderojmë. Nëse komplimentet janë false, problemi nuk do të jetë kurrë i yti. Ji real, dashuroje veten. Ju jeni të veçantë!
Burimi / https://italiafeed.com/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
