Këshilla & Arsye

November 18, 2020 | 8:10

Jo vetëm lodra, bëjuni fëmijëve tuaj dhurata emocionale

Në një shoqëri si e sotmja, ku mbizotëron konsumizmi, ne mund të zgjedhim t’i kundërvihemi. Në vend që t’i mbushim fëmijët tanë me lodra dhe mjete teknologjike, ne mund të dhurojmë diçka që do të qëndrojë në zemrat e tyre gjithë jetën, dhurata emocionale.

Vlera e dhuratave për fëmijë

Në fakt, fëmijët tashmë marrin shumë dhurata materiale për ditëlindje, Krishtlindje, fillimin e shkollës: rreziku është që të vegjlit, duke u mësuar me kaq shumë dhurata, të pushojnë së dhëni vlerë këtyre objekteve, duke filluar ta perceptojnë këtë veprim si normal.

Një dhuratë për shpirtin

Dhuratat emocionale do të qëndrojnë të gdhendura në zemrat dhe mendjet e fëmijëve tanë, si dhe duke zgjuar kujtime të mira, ata do të hedhin bazat për edukimin e tyre emocional, duke u dhënë atyre mjetet për të ndërtuar marrëdhënie të shëndetshme dhe të qëndrueshme.

Kohë cilësore

Një nga dhuratat më të mira që mund t’u bëjmë fëmijëve tanë është koha cilësore. Ne e dimë se sa të vështira dhe stresuese mund të jenë ditët tona, por është gjithashtu thelbësore të krijojmë momente për t’i kaluar me fëmijët tanë. Ajo që mund të bëjmë është të organizojmë aktivitete në të cilat do të argëtohemi me ta, duke forcuar atë lidhje që na bashkon. Ato do të jenë momente të paharrueshme.

Dashuria

Ne shpesh nuk dimë si t’i tregojmë emocionet tona dhe kjo mund të ndikojë në vetëvlerësimin e fëmijëve tanë. Për këtë arsye, buzëqeshjet, përqafimet dhe fjalët e ëmbla dhe të dashura duhet të jenë pjesë e jetës së përditshme të familjes dhe janë një dhuratë emocionale që do të shënojë rritjen e të vegjëlve: një fëmijë që e di se është i dashur do të zhvillojë një vetëvlerësim të shëndetshëm dhe do të ndihet mirë me veten e tij.

Kufijtë dhe “jo” e duhur

Fëmijët nuk kanë mjetet e duhura për të qenë në botë dhe duhet të drejtohen nga prindërit e tyre, kjo është arsyeja pse është thelbësore që ata të dinë se si të sillen në situatat e ndryshme që paraqiten. Përcaktimi i kufijve dhe të thënit “jo” do t’i bëjë ata më të sigurt, më paqësor dhe të mbrojtur sepse ata do të dinë se çfarë të bëjnë, çfarë është e drejtë dhe çfarë është e gabuar.

Vlerësimi dhe pranimi

Nuk është çështja të themi po për gjithçka, por t’u tregojmë fëmijëve tanë se i duam edhe kur bëjnë gabime, t’i korrigjoni nëse sjellja e tyre është e pasaktë. Është normale që të vegjlit të bëjnë gabime: le të mos i dënojmë, përkundrazi le t’u tregojmë se ku dështuan duke i bërë të kuptojnë se si të korrigjohen. Në këtë mënyrë ata nuk do të ndihen të sulmuar, por të pranuar dhe të dashur.

Qëndrueshmëria

Një fëmijë që e gjen veten përballë një nëne ose babai që ndryshon mendje gjatë gjithë kohës nuk do të dijë cilat rregulla duhet të ndjekë. Mbajtja e premtimeve, vendimeve të marra, tregimi i përputhshmërisë midis fjalëve dhe veprave tona, pra një prind i qëndrueshëm është një nga dhuratat më të mira për fëmijët, të cilët mund të ndjekin lehtësisht shembullin e dhënë.

 

 

Burimi / https://dilei.it/

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top