Masa e vogël tumorale nuk do të thotë më pak e rrezikshme kur është fjala për kancerin e gjirit. Sipas studimit të Mindact, madhësia e një mase kancerogjene të gjirit nuk lidhet domosdoshmërisht me agresivitetin e tij.
Testi gjenomik për kancerin
Studimi përdori testin gjenomik për të zgjedhur ato paciente që paraqisnin rrezikshmëri më të lartë. U analizuan një grup prej 826 grash me një tumor më të vogël se një centimetër. Pesë vite pas fillimit të trajtimit, studimi tregoi se 24% e pacientëve, kryesisht ato që konsideroheshin me rrezik më të lartë nga analiza gjenomike, përfituan nga kimioterapia duke treguar rritje të mbijetesës. Kjo dëshmon se kriteret klinike të tilla si masa e tumorit, nuk mjaftojnë.
Biologjia dhe gjenetika për një diagnozë më të saktë të kancerit
Studimi ka treguar kështu se jo vetëm madhësia, por edhe biologjia, është e rëndësishme për gratë me kancer gjiri. Përveç kësaj, janë dhënë prova të mëtejshme në mbështetje të testimit gjenomik, mjeti i përdorur gjithnjë e më shumë në mënyrë që të parashikojnë sjelljen e ardhshme të tumorit në progres dhe për të zhvilluar një plan të trajtimit sa më të personalizuar që të jetë i mundur.
Burimi / pernenat.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
