Matteo Bassetti, drejtori i Klinikës së Sëmundjeve Infektive të spitalit San Martino në Genova, deklaroi në Facebook se “maska kirurgjikale mund t’u shkaktojë fëmijëve, bazuar në përvojën e përdorimit, një ndjenjë nxehtësie, acarimi, vështirësie në frymëmarrje, parehati, vështirësi të përqendrimit, shpërqendrim dhe refuzim të maskës. Për më tepër, efektiviteti i saj nuk është demonstruar gjatë lojës dhe aktiviteteve fizike”.
Eksperti ndau dokumentin zyrtar të OBSH dhe UNICEF për përdorimin e maskave nga fëmijët në shkollë. Kështu që, me dokumentet ‘në dorë’, Bassetti trajtoi temën e përdorimit të maskave në shkollë edhe nga fëmijët, duke iu drejtuar të gjithë atyre që nuk studiojnë, nuk lexojnë, por që flasin ashpër, kritikojnë dhe denoncojnë.
Sipas specialistit të sëmundjeve infektive, “edhe tek të rriturit maska kirurgjikale ka zvogëluar aftësinë kardio-pulmonare gjatë stërvitjes. Së fundmi, Bassetti shpreson që “ata që kritikojnë deklaratat e mia të paktën do të dinë të lexojnë, pasi ata kanë treguar probleme të shumta në të kuptuarit dhe të shkruarit”.
Anna Ascani, Zëvendës Ministrja e Arsimit, gjithashtu ndërhyri mbi këtë temë, sipas së cilës diskutimi mbi detyrimin për të mbajtur maskë ose jo në klasë nuk bazohet në leximin e procesverbalit të Komitetit Teknik Shkencor i cili në vend të kësaj i dha një përgjigje qartë”.
“Ne do të sigurojmë 10 milion maska falas në ditë për shkollat italiane – shpjegoi Ascani – në mënyrë që studentët dhe stafi të mund të kenë një pajisje mbrojtëse individuale në dispozicion, në kohën kur distancimi nuk është i garantuar. Në bankë, ku sigurohet distanca e ndërsjellë, Komiteti Shkencor Teknik sqaroi se nuk është e nevojshme të mbani një maskë për pesë orë”.
Burimi / https://www.blogsicilia.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
