Aktualitet

June 22, 2022 | 9:40

Mirush Kabashi: “Hiqjani Fishtës titullin ‘Nderi i Kombit’, s’e përfytyroj të jem në lartësinë e tij”

Në përjetorin e 148-të të lindjes së At Gjergj Fishtës, Mirush Kabashi ka treguar se është ndjerë keq kur hyri në bibliotekën e Lezhës dhe vuri re sipër fotografisë së Fishtës frazën: “At Gjergj Fishta, Nderi i Kombit.” Për Kabashin, Fishta meriton një titull më të lartë, që e veçon nga artistët e tjerë.

Mirush Kabashi ka dhuruar emocion dhe mori duartrokitje të shumta kur u shpreh “se Fishta mbetet përjetësisht njeri i madh, edhe sikur shtatorja e tij të ishte pa piedestal fare, por rrafsh me barin, sepse madhështia e këtij njeriu nuk qëndron aspak te lartësia e shtatores por tek ajo sandalla që mbante veshur,duke treguar me gisht detajin e hollë të skulptorit të shtatores së Fishtës në Lezhë, një detaj i cili nuk i ka shpëtuar artistit të madh, që rrëfen për thjeshtësinë dhe shpirtmadhësinë në jetesën e përditshme të françeskanëve.”

“Të më falni për mungesën e modestisë” ka shtuar Kabashi “por titulli Nderi i Kombit më është akorduar edhe mua, dhe unë s’e përfytyroj të jem në lartësitë e Fishtës. Ose krijoni një titull tjetër shumë herë më të lartë për 3 apo 4 personalitetet e larta të historisë së Shqipërisë, ose na e ulni titullin neve dhjetëra të tjerëve që kemi dhënë kontribute në fusha të caktuara.”

 

 

Përgatiti K.I / Burimi ak-report.al

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Drejtor Marketingu - Geart Shehu: 0682097486
Agjente Marketingu:
Erinda Topi: 0688019400
Boana Shenjtolli: 0694767053
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top