Një studim i fundit zbuloi se, kur nënat mësuan të ndanin kujtimet me të vegjlit e tyre, fëmijët kishin më shumë gjasa të bëheshin adoleshentë më të lumtur. Konkretisht, adoleshentët e nënave që mësuan teknikën, shfaqën më pak simptoma depresioni dhe ankthi. Ata gjithashtu kishin më shumë gjasa të tregonin histori më koherente për jetën e tyre, duke sugjeruar se ata ishin më të aftë në përpunimin e ngjarjeve të vështira.
Ky studim u botua në Journal of Personality nga një ekip studiuesish nga Universiteti i Otagos në Zelandën e Re. Ai përfshinte 115 çifte nënë-fëmijë që u ndoqën për 14 vjet. Studiuesit caktuan në mënyrë rastësore nënat, për të ndarë kujtimet e tyre me fëmijët, të referuara si “rikujtim elaborues”. Studiuesit i ndoqën këta fëmijë 14 vjet më vonë (kur fëmijët ishin 15 vjeç). Pse shkëmbimi i kujtimeve mund të ketë pasur një ndikim kaq pozitiv afatgjatë te fëmijët? Studiuesit sugjeruan se kjo teknikë mund t’i ndihmojë fëmijët të mësojnë se si të diskutojnë emocionet që lidhen me ngjarjet e së kaluarës dhe të zhvillojnë aftësi për përpunimin e këtyre ngjarjeve.
Pra, si mund ta zbatoni këtë hulumtim si prind?
- Flisni shpesh me fëmijët tuaj për ngjarjet e përditshme në të kaluarën. Ju mund të filloni që në moshën 1 vjeç dhe të vazhdoni ta bëni këtë derisa fëmija juaj të jetë adoleshent.
- Diskutoni emocionet e përfshira në këto ngjarje, duke përfshirë emocionet pozitive dhe negative.
- Përqendrohuni në bisedat reciproke. Lejojeni fëmijën tuaj të bëjë pyetje, të bëjë komente dhe të shtojë detaje ndërsa ndani kujtime.
- Si përmbledhje, biseda me fëmijët tuaj për ngjarjet e përditshme të së shkuarës mund të ketë një ndikim afatgjatë pozitiv, kështu që filloni të ndani disa kujtime me fëmijët tuaj sot.
Përgatiti K.I / Burimi www.psychologytoday.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
