Një imunitet i fortë është mjaft i rëndësishëm, sidomos në periudhën në të cilën po jetojmë. Për momentin, e gjithë bota po lufton me një armik të padukshëm, COVID-19.
Një nga mënyrat më të mira për të patur imunitet të fortë është marrja e masave paraprake si ushqimi i shëndetshëm dhe ushtrimet. Disa nga shkaqet e problemeve shëndetësore lidhen me dehidratimin, kequshqyerjen, inflamacionin, lodhjen dhe mungesën e stërvitjes.
Të kesh një imunitet më të fortë ka të bëjë me ndryshime të thjeshta, por efektive në stilin e jetës së përditshme.
Cilat janë bazat e imunitetit të mirë?
Bazat e imunitetit të mirë përfshijnë të paktën tetë orë gjumë, tetë deri në 10 gota ujë çdo ditë, një dietë të ekuilibruar dhe stërvitje të përditshme. Heqja e ndonjë prej këtyre mund të ketë efekte të dëmshme në trupin dhe mendjen tuaj.
Mbajtja e një rutine të rregullt ushtrimesh jo vetëm që ju mban të aftë, por gjithashtu ka një ndikim të madh në shëndetin mendor dhe lëkurën tuaj. Nuk është e nevojshme të ushtroheni shtatë ditë në javë. Të ushtruarit pesë ditë në javë është i mjaftueshëm, pasi muskujt gjithashtu kanë nevojë për kohë që të rikuperohen.
Burimi / tvklan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.