Aktualitet

April 23, 2022 | 21:57

Në Napoli ka lindur kulti i “Madonës së Kievit”, frymëzuar nga gruaja 27-vjeçare që i jep gji të porsalindurit në metronë e Kievit

Nëna që ushqen fëmijën e saj në metronë e Kievit gjatë pushtimit rus të Ukrainës bëhet një “kult” fetar. Në fakt, “Madonna e Kievit” ka lindur në kishën e San Biagio që ndodhet në Mugnano di Napoli, një simbol i shpresës dhe qetësisë. Dhe “fama” e saj tashmë po përhapet përtej kufijve lokalë, duke u përhapur edhe në pjesën tjetër të botës. Në fakt, shumë po “njohin” te Zoja e Kievit një simbol të ri fetar të paqes dhe dashurisë.

schermata-2022-04-23-alle-10-55-01-1024x549

 

Fotoja origjinale e Tatianës, 27 vjeçe, dhe e vajzës së saj
Ideja lindi pas një fotoje nga Andràs Földes, një gazetar hungarez i cili, pikërisht në metronë e Kievit, ku shumë civilë gjetën strehim për t’i shpëtuar bombardimeve dhe grumbullimeve të ushtrisë ruse, mori imazhin që është bërë simbol i rezistencës së heshtur të ukrainasve: një nënë e re, e ulur mbi një grumbull leckash, duke ushqyer të porsalindurin e saj. Bëhet fjalë për Tatiana Bliznyak, 27 vjeç dhe vajzën e saj Marichka, vetëm tremuajshe.

Fotoja, e cila u bë shpejt virale, më pas u bë një vizatim nga Maryna Solomennykova, një artiste ukrainase nga Dnipro, e cila gjithashtu u bë shpejt virale, deri sa priftërinjtë napoletanë e vunë re dhe printuan një kopje të saj. Në atë moment, imazhi u bë objekt adhurimi të Enjten e Madhe, kur Kryepeshkopi Mimmo Battaglia kryesoi meshën përpara saj, duke u bërë Zoja e Kievit. “Kulti i Zojës së Kievit ka shkuar përtej kufijve të Mugnano di Napoli dhe po përhapet në të gjithë botën”, shpjegoi famullitari i kishës së San Biagio, don Antonio Di Guida, duke shtuar se “Madona e Kievit është një ngushëllim për të gjithë besimtarët, ukrainas dhe joukrainas, që thërrasin paqen”.

Përgatiti O. T | Burimi fanpage.it

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
[email protected] / Cel: 0688019400

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top