FB

April 24, 2022 | 7:45

Të menduarit në mënyrë negative, çon në çrregullime të të ngrënit tek vajzat adoleshente

Vajzat adoleshente që përfshihen në nivele të larta të të menduarit negativisht, kanë më shumë gjasa të përfshihen në zakone të çrregullta të të ngrënit, sipas një studimi të ri. Gjetjet ofrojnë prova paraprake se synimi i të menduarit negativ në adoleshencë mund të zvogëlojë sjelljen e ngrënies së tepërt.

when-a-eating-disorder-is-misdiagnosed

“Çrregullimet e të ngrënit janë sëmundje serioze mendore që shpesh fillojnë në adoleshencë dhe doja të shqyrtoja faktorët e rrezikut për çrregullimet e të ngrënit gjatë kësaj periudhe kritike. Mendimi negativ i përsëritur, përpunimi i pakontrollueshëm dhe i përsëritur i mendimeve, është treguar se rrit psikopatologjinë e çrregullimeve të të ngrënit në përgjithësi”, tha Valerie Wong nga Universiteti Drexel, autorja përkatëse e studimit të ri. Të kuptuarit sesi mendimi negativ dhe faktorë të tjerë rreziku lidhen me zhvillimin e sjelljeve të çrregullimeve të të ngrënit tek vajzat adoleshente është imperativ për identifikimin dhe parandalimin e hershëm të çrregullimeve të të ngrënit. Në studim, 332 nxënëse të shkollave të mesme përfunduan vlerësimet e simptomave të çrregullimit të të ngrënit, të menduarit përsëritës, ankthit të paraqitjes sociale dhe perfeksionizmit.

eating-disorders

“Rezultatet tona sugjerojnë se të menduarit negativisht mund të lidhet më shumë me të ngrënit e tepruar, sesa me ushqimin kufizues,” tha Wong për PsyPost. “Për më tepër, individët me nivele të larta të perfeksionizmit, ankthit të paraqitjes sociale dhe mendimit negativ të përsëritur mund të jenë më të rrezikuar për t’u përfshirë në një sërë sjelljesh të çrregullimeve të të ngrënit. Identifikimi dhe synimi i këtyre faktorëve të rrezikut mund të parandalojë më mirë fillimin e çrregullimeve të të ngrënit.”

 

 

Përgatiti K.I / Burimi www.psypost.org

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Drejtor Marketingu - Geart Shehu: 0682097486
Agjente Marketingu:
Erinda Topi: 0688019400
Boana Shenjtolli: 0694767053
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top