Në fokus

October 31, 2020 | 8:20

Njerëzit që qëndrojnë pranë jush vlejnë sa e gjithë bota

M’u desh pak kohë për të kuptuar se sa vlerë u jepja marrëdhënieve që karakterizonin ditët e mia, sepse ishte një kohë kur, e pranoj, isha e uritur për dashuri dhe dhembshuri. Pra, një buzëqeshje dhe një bisedë ishin të mjaftueshme për të vendosur të hapja zemrën time për ata njerëz, sepse në thelb gjithmonë mendoja se kisha një nuhatje të mirë për të kuptuar personazhet. Dhe sa gabohesha!

Unë e kujtoj atë periudhë si një nga më të dhimbshmet e jetës sime, ndërsa zemrën time ia dhashë të tjerëve, në këmbim merrja vetëm goditje dhe tradhti, njëra pas tjetrës. Ata më lanë vetëm në momentet më të komplikuara të jetës sime, ata bënin sikur nuk dëgjonin kur unë lutesha për ndihmë dhe ata u larguan kur unë kërkova vetëm një dorë për t’u ngritur. Sepse ishte e lehtë të ishim bashkë kur gjithçka ishte në rregull. Kështu të gjithë janë të aftë.

Por pastaj kuptova se në fund të fundit, faji ishte gjithashtu i imi. Unë duhet të kisha treguar më shumë kujdes se kujt t’i besoja, sepse miqtë e vërtetë janë si një familje që ju zgjidhni. Ata janë si engjëj mbrojtës që na mbrojnë dhe na shoqërojnë kudo edhe kur nuk e dimë se ku po shkojmë. Njerëz që na pranojnë pikërisht për atë që jemi, të guximshëm, të fortë dhe të brishtë, të çrregullt, krenarë dhe të dhembshur, të cilët zgjedhin të duan së pari defektet dhe më pas meritat.

Miqtë e vërtetë janë ata që qëndrojnë kur momentet e dhimbshme pushtojnë lumturinë dhe të qeshurën, janë ata që nuk kanë frikë të kalojnë ditët e tyre duke tharë lotët edhe nëse kjo do të thotë të heqësh dorë nga një aperitiv ose një mbrëmje e lumtur.

 

 

Burimi / Bota.al

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Agjente Marketingu:
Erinda Topi: 0688019400
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top