Është ilaçi që përdorin shumë gra. Por, sipas udhëzimeve të reja shëndetësore lëngu i boronicës nuk është shumë efektiv për trajtimin e infeksioneve urinare.
Nuk ka ‘asnjë provë’ që ju ndihmon të trajtoni problemet e dhimbshme, thotë Instituti Kombëtar i Shëndetit dhe Kujdesit. Projektligjet për përmirësimin e trajtimit të infeksioneve të traktit urinar – ose UTI- të tilla si kiste janë të parat që i referohen lëngut.
UTI shkaktohet nga bakteret dhe janë të zakonshme në gratë. Në disa raste, ato çojnë në infeksione të veshkave. Komplikimet janë më të zakonshme tek meshkujt, gratë shtatzëna, fëmijët dhe pacientët më të vjetër.
Ata që vuajnë nga UTI-të e përsëritura duhet të bëhen me dije se përfitimet parandaluese të produkteve të boronicës janë ‘jo bindëse’, thotë projekt-këshilli.
Gjithashtu rekomandon që mjekët të kufizojnë sasinë e antibiotikëve të shpërndarë për UTI-të, në një përpjekje për të zvogëluar rezistencën. Udhëzimet thonë se pacientët me rrezik të ulët, siç janë gratë që nuk janë shtatzëna, duhet të presin që rezultatet e testimit të kthehen.
Në vend të kësaj, mjekët duhet të pyesin pacientët për nivelet e tyre të dhimbjes dhe t’i këshillojnë të marrin paracetamol dhe të pijnë shumë lëngje. Ata gjithashtu mund të shkruajnë një recetë “back-up” e cila mund të përdoret vetëm nëse infeksioni nuk del vetë.
Sistemi imunitar mund të luftojë infeksione të lehta por shumë UTI kërkojnë antibiotikë. Rezistenca antibiotike është një kërcënim në rritje që ekspertët besojnë se mund të vras 10 milionë në vit brenda një brezi. Përdorimi i tepruar i ilaçeve lejon bakteret të evoluojnë në super-viruse, të cilat nuk mund të trajtohen.
Përgatiti: Brikela Daci | Burimi / dailymail.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
