Rinisja e jetës normale në Kinë, e cila tashmë ka kaluar fazën kritike të epidemisë, ndikohet gjithashtu nga ecuria e pandemisë në Evropë dhe mbi të gjitha në Shtetet e Bashkuara.
“Ne jemi të shqetësuar për situatën amerikane, ku rastet e reja po rriten në nivelin e rreth 20 mijë çdo ditë. Bota nuk do të jetë në gjendje të kontrollojë infeksionin dhe të qëndrojë e qetë për aq kohë sa ka akoma valë epidemike që po ndodhin në çdo vend “, tha Zhong Nanshan, ekspert i sëmundjeve të mushkërive dhe drejtor i Komisionit Kombëtar të Shëndetit përgjegjës për urgjencën Covid-19, gjatë një konference video të organizuar nga Ambasada Kineze në Seul.
Eksperti nuk është i vetmi që mendon kështu. Epidemiologë të tjerë të rëndësishëm kinezë, në të vërtetë kanë ngritur alarmin dhe janë të bindur se ekziston akoma rreziku në vendin aziatik dhe se përgjigjet e Evropës dhe Shteteve të Bashkuara në administrimin e krizës do të jenë thelbësore në përcaktimin se si që do të jetë zhvillimi i pandemisë.
Në Kinë, numri i përgjithshëm i rasteve ka qenë i qëndrueshëm që nga fillimi i marsit, kur pragu i të infektuarve kishte tejkaluar numrin prej 80,000. Aktualisht shifrat zyrtare flasin për 81’953 raste, ose një ndryshim prej rreth 2 000 personash gjatë një muaji e gjysmë, ku shumica e këtyre janë raste të importuara nga jashtë.
Burimi / https://www.tio.ch/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
