Ilaçet e dashurisë mund të mos jenë më lëndë e trillimeve. Sipas një akademiku të Oksfordit, pilulat që nxisin ndjenjat e dashurisë në tru janë “në horizont”…
Dr. Anna Machin, një antropologe evolucionare dhe autore, tha se shkencëtarët tani dinë mjaft rreth neurokimisë për të krijuar pilula që mund ta mashtrojnë trupin në një gjendje të shkaktuar nga dashuria. Këto pilula mund të “rrisin aftësitë tuaja për të gjetur dashurinë – ose të rrisin mundësinë që të qëndroni të dashuruar kur të bëhet paksa e ndërlikuar”.
“Ka shumë pyetje etike… por pilulat e dashurisë janë sigurisht në horizont,” tha ajo në Festivalin e Shkencave Cheltenham. Dhe sigurisht një nga kufijtë e kërkimit komercial të dashurisë – a mund ta imagjinoni sa para fitoni? – është në eksplorimin e këtyre drogave të mundshme të dashurisë.” Dr Machin beson se pilula të tilla mund të përshkruhen nga praktikuesit që ofrojnë terapi për çifte brenda tre deri në pesë vjet. Por lind pyetja: a nuk do t’i jepnin njerëzit këto pilula kujtdo (dhe të gjithëve) që duan? Siç theksoi një koleg: “Kjo është e vetmja gjë që xhindi te Aladdini nuk mund ta bënte.” Mund të tingëllojë futuriste, por studimet kanë treguar prej kohësh një lidhje midis disa ilaçeve dhe afërsisë emocionale.
Përgatiti K.I / Burimi www.huffingtonpost.co.uk
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
