Lajmet për rënien e efektivitetit të vaksinës Covid-19 shqetësuan shumë prej nesh. Kohët e fundit, Studimi Zoe Covid zbuloi se mbrojtja e siguruar nga dy doza të vaksinave të koronavirusit Pfizer/BioNTech dhe Oxford/AstraZeneca fillon të bjerë brenda gjashtë muajve.
Sidoqoftë, rezultatet nuk janë aq alarmante, sepse ekspertët gjithmonë prisnin që analiza e botës reale të tregonte më pak mbrojtje sesa provat klinike. Vaksinat janë jashtëzakonisht efektive në zvogëlimin e efekteve anësore serioze dhe vdekjen nga virusi.
Të dhënat më të fundit, nga java që përfundon më 13 gusht 2021, tregojnë 571 vdekje të regjistruara në Angli dhe Uells të cilat përmendën “koronavirusin e ri (Covid-19)”. Por nëse i krahason ato e të dhënat e muajit janar 2021 – kulmin e valës së dytë kur përhapja e vaksinave sapo kishte filluar – numri ishte 8,433 vdekje në një javë nga Covid-19.
Numri i vdekjeve dhe simptomave serioze nga Covid kanë filluar të bien që nga aplikimi i vaksinave, kështu që profesionistët e shëndetit inkurajojnë në mënyrë universale marrjen e vaksinave.
Po sikur të kemi kaluar Covid-19?
Një studim në Izrael (i cili ka numrin më të madh të personave të vaksinuar në botë) tha se të kesh antitrupa kundër Covid-19 nga një infeksion i mëparshëm mund të ofrojë më shumë mbrojtje kundër variantit Delta sesa të vaksinohesh plotësisht kundër sëmundjes.
Studimi zbuloi se njerëzit që kishin rezultuar pozitivë për Covid-19 kishin më pak të ngjarë të infektoheshin, të sëmureshin ose të kishin nevojë për trajtim spitalor nga lloji Delta sesa ata që kishin marrë dy doza të vaksinës Pfizer, por asnjë infeksion të mëparshëm.
Por ekspertët thonë se ky studim është i kufizuar. Për shkak se njerëzit me infeksion asimptomatik kanë më pak gjasa të bëjnë një test, ky studim mund të ketë qenë i shtrembëruar më shumë tek pacientët simptomatikë. Robert Schooley, i Universitetit të Kalifornisë në San Diego, tha se ky studim nuk do të thotë që njerëzit duhet të dalin dhe të kërkojnë që të infektohen në vend të bëjnë vaksinën.
“Njerëzit e pavaksinuar që infektohen janë ata që po vdesin. Të vësh veten në rrezik vdekjeje për të pasur imunitet ‘natyror’ nuk është një kompromis i madh”, tha ai.
Organizata Botërore e Shëndetit kishte një mesazh të ngjashëm, duke thënë: “Edhe nëse keni kaluar Covid-19, duhet të vaksinoheni kur t’ju ofrohet. Mbrojtja që dikush fiton nga marrja e Covid-19 do të ndryshojë nga personi në person dhe ne gjithashtu nuk e dimë sa gjatë mund të zgjasë imuniteti natyror.”
A duhet të shqetësohemi apo tronditemi për efikasitetin e vaksinës?
Fatkeqësisht, imunizimi ndoshta nuk do të japë mbrojtje gjatë gjithë jetës kundër Covid-19 (ashtu siç vaksina e gripit nuk jep imunitet të përjetshëm kundër virusit), dhe efektiviteti i vaksinës pritet të bjerë gjatë disa muajve. Shkencëtarët e pritën këtë dhe janë të zënë me finalizimin e një programi përforcues. Por mbrojtja kundër sëmundjeve të rënda ndoshta do të zgjasë më shumë sesa mbrojtja kundër infeksionit.
Variantet Covid siç është Delta mund të transmetohen lehtësisht, gjë që është edhe një arsye më shumë për t’u vaksinuar – sa më shumë njerëz të përhapin virusin, aq më shumë ka të ngjarë të shohim përhapjen e varianteve të tjera. Vaksinimi të paktën e dobëson këtë mundësi.
Dr. Alexander Edwards, një profesor në teknologjinë biomjekësore në Universitetin e Reading, si me shumë ekspertë të tjerë, rekomandon shumë marrjen e vaksinës.
Ai tha: “Vaksinimi nuk i bën njerëzit të paprekshëm dhe nuk parandalon të gjitha infeksionet. Variantet kanë ndikim të vërtetë dhe domethënës në shëndetin publik dhe shumë njerëz në Mbretërinë e Bashkuar po vdesin ende tragjikisht nga ky virus i keq.
“Vaksinat që kemi janë jashtëzakonisht të sigurta dhe efektive, dhe japin ende përfitime masive. Ne duhet të planifikojmë në mënyrë aktive strategjinë tonë të shëndetit publik për të llogaritur mbrojtjen e përsosur dhe mundësinë e rënies së mbrojtjes me kalimin e kohës.”
Burimi / https://www.huffingtonpost.co.uk/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
