FB

June 18, 2022 | 10:10

Pse femrave të reja u pëlqejnë meshkujt e pjekur

Ndërkohë që shumë meshkuj janë në kërkim të femrave të reja, duket se gjithnjë e më shumë vajzat preferojnë të kenë një partner shumë më të madh, madje 20/30 vjet më të madh. Disa rrezikojnë hipotezën se këto janë vajza në kërkim të figurës së babait, por nuk është gjithmonë kështu.

Të kesh një partnere më të re ka qenë gjithmonë dëshira e shumë meshkujve të pjekur dhe sot kjo ëndërr duket e destinuar të realizohet më lehtë, pasi 70% e vajzave thonë se preferojnë meshkujt 20 apo 30 vjet më të mëdhenj se vetja sepse i konsiderojnë bashkëmoshatarët të papjekur. Një shumicë e madhe e gjinisë femërore ndihet e tërhequr nga burrat e pjekur dhe i shpërfill bashkëmoshatarët e tyre, të cilët i konsiderojnë jo interesantë ose thjesht të papjekur, ose ndoshta të paaftë për të ofruar siguri, qoftë edhe ekonomike. Sharmi që mund të ushtrojë një mashkull në moshë është padyshim arsyeja e kësaj zgjedhjeje dhe shumë vajza e shohin sharmin e një 45-vjeçari të pakrahasueshëm me atë të një 20-vjeçari të shkujdesur. Meshkujt e rritur zakonisht kanë më shumë përvojë jetësore dhe për këtë arsye janë më të sigurt në vetvete, ata tashmë e kanë kuptuar se cilën rrugë duhet të ndjekin. Kjo është arsyeja pse ata mund ta bëjnë një grua të ndihet vërtet e sigurt, duke frymëzuar besim sepse ata dinë të përballojnë fatkeqësitë e përditshme.

Gratë që i zgjedhin bashkëshortët më të pjekur janë të bindura se ato, ndryshe nga moshatarët e tyre, e llastojnë gruan e tyre dhe i kushtojnë vëmendje sepse e dinë se çfarë i nevojitet. Ata nuk marrin asgjë si të mirëqenë sepse nga përvojat e mëparshme kanë mësuar të shmangin gabimet dhe gjithashtu janë të emocionuar për një marrëdhënie me një vajzë më të vogël sepse kjo i bën ata të kthehen në kohë dhe të ndihen si fëmijë. Ky emocion kthehet në eufori dhe pasion, të cilat janë element përbërës thelbësorë për marrëdhënien.

 

 

Përgatiti S.P / Burimi www.amando.it 

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Drejtor Marketingu - Geart Shehu: 0682097486
Agjente Marketingu:
Erinda Topi: 0688019400
Boana Shenjtolli: 0694767053
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top