Përgatiti Esmeralda Birçaj, eksperte e shëndetit mendor
A ju mungon entuziazmi në jetën tuaj? Nëse po, ka disa arsye. Entuziazmi dhe motivimi janë të lidhura me qëllimet tuaja në jetë. Njerëzit janë më entuziastë për jetën kur bëjnë gjëra që i kënaqin. Këto janë gjëra që përfshijnë pak sfidë, kënaqësi dhe energji. E shihni, disa gjëra në jetë thjesht na bëjnë shumë të lumtur, dhe kjo është një lumturi që nuk shoqërohet domosdoshmërisht me pranimin nga ana e të tjerëve.
Kur humbasim entuziazmin, jeta duket ndryshe. Nuk është aq interesante apo emocionuese si më parë. Cilat janë këto arsye më të thella për humbjen e entuziazmit?
Pse e humba entuziazmin për jetën?
A ia bëni vetes këtë pyetje?
Ka shumë momente në jetën tonë kur bëjmë një hap prapa dhe vërejmë se gjithçka ka humbur shkëlqimin e saj – jeta është njësoj si një punë e detyruar.
Mund të kemi kaq shumë gjëra që duam të bëjmë, por përkundrazi nuk bëjmë asgjë. Pse po ndodh kjo?
1.Unë marr shumë përgjegjësi
Kjo mund të tingëllojë e çuditshme, por kontribuon më shumë sesa mendoni në mungesën tuaj të entuziazmit. Nëse filloni të mbingarkoni veten me punë, fillimisht mund të ndiheni plot energji dhe gatishmëri, por nuk do të zgjasë shumë. Pasi të keni përfunduar një pjesë të punës, befas kupton se ka ende një rrugë të gjatë për të bërë derisa të mbaroni. Kur kjo ndodh, mund të ndiheni të trishtuar dhe të keni vështirësi të përfundoni gjithçka. Motivimi juaj po mbaron dhe edhe nëse arrini t’i bëni të gjitha, ndiheni më pak entuziastë për gjënë tjetër që dëshironi të bëni.
2.“Pse”-ja është e paqartë
Ne bëjmë gjëra çdo ditë, pavarësisht nëse është puna jonë, detyrat e shtëpisë apo hobi ynë. Por pse i bëjmë këto gjëra? Sepse, shumica e njerëzve punojnë për të fituar para ose sepse kanë një pasion për karrierën e tyre. Ne bëjmë punët për t’i mbajtur shtëpitë tona të rregullta. Por pse kemi hobi të veçantë? Pse pikturojmë, shkruajmë poezi dhe bëjmë video? Përsëri, mund të bëhet fjalë për paratë, por zakonisht, ka pak pasion në hobet tona. Këtu është pjesa fatkeqe: nëse nuk kemi një arsye të qartë për gjërat që bëjmë, përfundimisht do të humbasim motivimin për të bërë këto gjëra, madje edhe gjërat argëtuese. Pra, një arsye tjetër që mund të mos jemi entuziastë për jetën është sepse nuk i njohim këto “pse” të jetës.
3.Keni frikë nga qëllimi juaj
Pra, keni vendosur se çfarë doni nga jeta, por befas një ditë kuptoni se ëndrrat dhe qëllimet tuaja janë të mëdha. Ato janë aq të ndërlikuar dhe të mëdhenj sa të pushtojnë. Dhe nëse mbeteni të mbingarkuar dhe të frikësuar, ju humbisni entuziazmin për gjërat që dëshironi të bëni. Supozoni se doni të blini një makinë dhe jeni të emocionuar për këtë. Por kur zbuloni se sa para ju nevojiten për ta marrë e që është më shumë se sa e kishit imagjinuar, është e mundur që në këto rrethana të humbni motivimin tuaj.
4.Nuk gjeni mbështetje
Është e vështirë të jesh entuziast kur askush nuk të mbështet. Ajo që dua të them me këtë është se nëse jeni të rrethuar nga njerëz negativë që ju nënvlerësojnë gjithmonë, ky negativitet mund të ndikojë edhe tek ju. Mund të ketë helmuar entuziazmin tuaj. Mjedisi juaj luan një rol të rëndësishëm në entuziazmin tuaj. Kjo është arsyeja pse ju duhet të përpiqeni gjithmonë të krijoni një mjedis paqeje, dashurie dhe tolerance në mënyrë që të qëndroni të motivuar për jetën. Nëse askush nuk ju mbështet, atëherë gjeni njerëz që do ta bëjnë ose mësoni të jeni të lumtur “duke vrapuar garën” derisa të arrini qëllimet tuaja.
5.Frika për të kërkuar ndihmë
Ndonjëherë kryerja e disa detyrave kërkon më shumë sesa thjesht vullnetin dhe përpjekjen tuaj. Kur gjeni diçka që dëshironi të arrini, por keni nevojë për ndihmë, ndonjëherë thjesht hiqni dorë dhe vendosni ta harroni atë. Ju e humbisni entuziazmin për këtë projekt thjesht sepse keni frikë se askush nuk do t’ju ndihmojë.
6.Mendoni se nuk vleni
Shumë herë, ne e humbasim entuziazmin për diçka sepse mendojmë se nuk i meritojmë pasojat pozitive të diçkaje që kemi arritur. Është e vështirë të gjejmë motivim nëse nuk ndihemi të denjë. Nëse mendoni se nuk vleni diçka, kjo mund të jetë arsyeja që nuk mund të bëni asgjë. Është koha për të punuar në vetëvlerësimin tuaj ose për të falur veten për çdo gabim që keni bërë.
Si mund të përmirësohemi në këtë fushë?
a-Nëse merrni përsipër shumë punë ose përgjegjësi, uluni dhe shkruani gjithçka që duhet të bëni për ditën, filloni tani. Analizoni listën tuaj dhe jini të sinqertë me veten tuaj. A është e mundur t’i bëni këto gjëra pa i bërë shumë presion vetes? Nëse jo, atëherë filloni ta zvogëloni pak kohën derisa të ndiheni rehat.
b-Nëse nuk e dini pse po përpiqeni të bëni diçka, është koha të bëni një bilanc të “përseve” tuaja dhe të jeni të sinqertë me veten. Gjeni arsyen e qëllimit dhe ai do t’ju shtyjë përpara.
c-Nëse mendoni se qëllimi juaj është shumë i madh, ndajeni atë në copa dhe përpiquni ta përfundoni pak nga pak. Kjo do të lehtësojë shumë arritjen e qëllimit tuaj.
ç-Nuk po merrni mbështetje? Epo, sigurisht që ka njerëz që do të investonin tek ju. Por së pari ju duhet të investoni në veten tuaj duke pranuar se jo të gjithë në jetën tuaj do të jenë të interesuar për të njëjtat gjëra që ju interesojnë.
d-Mos hezitoni të kërkoni ndihmë. Askush në këtë planet nuk e ka kaluar tërë jetën e tij pa pasur nevojë për ndihmë në një moment. Ju nuk jeni përjashtim. Ju duhet të zmbrapsni krenarinë dhe të jeni të përulur.
dh-Dhe së fundi, ju e meritoni lumturinë. Pavarësisht se çfarë bëni apo si mendoni se dukeni, ndjeheni apo dëgjoni, secili prej nesh meriton të arrijë qëllimet dhe të shpërblehet.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
