Përdorimi i shpeshtë i pornografisë lidhet me rezultate të ndryshme seksuale për të rinjtë dhe gratë e reja, sipas një studimi të ri. Studimi gjatësor, një nga më të mëdhenjtë e këtij lloji, tregon se një frekuencë më e lartë e përdorimit të pornografisë lidhet me një jetë më të keqe seksuale te meshkujt. Por, e kundërta duket se ndodh tek femrat.
Studiuesit zbuluan se përdorimi më i shpeshtë i pornografisë lidhej me performancë më të ulët seksuale për burrat, por performancë më të lartë seksuale për gratë. “Ne zbulojmë se sa më shumë meshkujt shikojnë pornografi, aq më shumë raportojnë se kanë dyshime për performancën e tyre seksuale, aq më shumë raportojnë se kanë probleme seksuale (p.sh., për sa i përket dëshirës seksuale, ereksionit, funksionimit biologjik) dhe – për çiftet heteroseksuale – aq më shumë partnerja e tyre femër raporton se është e pakënaqur seksualisht,” thanë Sommet dhe Berent për PsyPost. “Ne gjejmë prirjen e kundërt për gratë: Sa më shumë femra të shikojnë pornografi, aq më të larta janë ndjenjat e tyre të kompetencës seksuale, aq më i ulët është numri i problemeve seksuale dhe – për çiftet heteroseksuale – aq më i kënaqur është partneri i tyre mashkull në disa aspekte të seksualitetit të tyre. (p.sh., në cilësinë e shkëmbimeve seksuale).
Kjo ishte e vërtetë edhe pasi studiuesit kontrolluan për variabla të tillë si mosha, arsimi, kombësia, orientimi seksual, numri i partnerëve seksualë gjatë gjithë jetës, statusi i marrëdhënies, kohëzgjatja e marrëdhënies, shpeshtësia e masturbimit, shpeshtësia e marrëdhënieve seksuale, njohuritë për seksualitetin dhe dëshirueshmëria.
Përgatiti K.I / Burimi www.psypost.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
