Rreziku i infarktit të miokardit mund të parashikohet nga një ekzaminim rutinë, joinvaziv i syve. Ky është studimi i fundit i publikuar nga Shoqata Evropiane e Gjenetikës Njerëzore.
Studiuesit zbuluan se kombinimi i informacionit rreth enëve të gjakut në retinë me faktorët klinikë tradicionalë bëri të mundur identifikimin më të mirë të gjasave të një ataku kardiak në grupin e pjesëmarrësve në krahasim me modelet e vendosura që përfshinin vetëm demografinë. Ana Villaplana-Velasco, një studiuese në Institutin Usher dhe Roslin në Universitetin e Edinburgut shpjegon se ndryshimet në vaskularitetin e retinës mund të ofrojnë njohuri të ndryshme për shëndetin e njeriut.
Prandaj, ajo dhe kolegët e saj vendosën të përdorin imazhin e retinës, një teknikë e konsideruar si joinvazive, vetëm për këtë qëllim. Në mënyrë të veçantë, shkencëtarët analizuan modelet komplekse të degëzimit të sistemit vaskular të retinës duke analizuar të dhënat e përfshira në një biobankë britanike që mbulojnë të dhënat mjekësore dhe mënyrën e jetesës së 500,000 njerëzve. Përfundimisht, studiuesit zbuluan se një madhësi e veçantë e retinës, e quajtur madhësia fraktale, së bashku me modele të ndryshme të degëzimit të enëve të gjakut, mund të lidhet me rrezikun e sëmundjes koronare të zemrës dhe për rrjedhojë infarktin e miokardit.
Përgatiti K.I / Burimi www.tgcom24.mediaset.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
