Soda e bukës dhe limoni janë dy produkte që kurrë nuk mungojnë në shtëpi, kjo për shkak se të dy së bashku, si dhe të marra individualisht, kanë veti të jashtëzakonshme.
Ndodh shpesh që soda e bukës dhe limoni përdoren për përdorimet më tradicionale, sepse shumë veta nuk i njohin të gjitha vlerat e tyre.
Soda e bukës dhe limoni së bashku
Soda e bukës dhe limoni mund të përdoren së bashku për aplikacione estetike, për pastrimin, por jo vetëm. Për shembull, mund të përdorni një lugë çaji sodë buke në të cilën shtoni disa pika lëng limoni për një pastrim tërësor të dhëmbëve, i cili gjithashtu ndihmon për të hequr njollat ose për zbardhimin e tyre. Përzierja do të përdoret si pasta normale e dhëmbëve. Gjithashtu sodë buke + përzierje limoni ka efekte anti-myk dhe mund të përdoret në banjo, duke e aplikuar në mure dhe pllaka.
Në kuzhinë një gjysmë limoni mund të zhytet në sodë buke dhe të përdoret për të pastruar tenxheret në mënyrë të shpejtë. Për të pasur rroba të pastra të bardha pa përdorimin e zbardhues, ju mund ta njomni atë me sodë buke + limon dhe ta lini për disa orë para se t’i lani ato në makinë larëse. Kombinimi i sodës së bukës me limon është gjithashtu i shkëlqyer për tretjen, mjafton vetëm lëngu i gjysmë limoni në një gotë me ujë dhe shtoni rreth një lugë çaji sodë buke.
Megjithatë, një nga përdorimet më të njohura dhe më të diskutueshme të sodës së bukës dhe limonit është ajo që quhet një kurë e vërtetë. Ajo konsiston në pirjen e një gjysmë litri ujë në të cilin është shtuar lëngu i 3 limonëve dhe një lugë çaji sode buke . Nëse e përdorni këtë në mëngjes, ose disa herë gjatë ditës ju do të keni shumë përfitime.
Para së gjithash ka një funksion alkalizues në organizëm. Kjo na ndihmon të luftojmë problemet e aciditetit që mund të ndodhin për shembull kur veshkat nuk po punojnë në mënyrë të përsosur. Pikërisht ky funksion ka bërë që një pjesë e mirë ta konsiderojnë një kurë për kancerin. Në këtë drejtim ka studime shkencore që e mbështesin dhe të tjerë thonë të kundërtën.
Soda e bukës
Vetëm soda e bukës ka shumë përdorime. Pastrimi i shtëpisë shpesh lidhet me uthullën. Përdorimet e saj më të zakonshme treten në ujë për larje të perimeve ose për larjen e trupit (kjo e bën lëkurën shumë të butë), por ka situata të shumta në të cilat soda e bukës është e dobishme.
E dimë tashmë përdorimin e saj për pastrimin e dhëmbëve. Për këtë qëllim soda e bukës përdoret së bashku me limon, por edhe vetëm, thjesht duke zhytur furçën e lagur në pluhurin e saj. Është e dobishme si për lyerjen e trupit dhe për fytyrën: falë granularitetit të saj ajo i fal butësi trupit nëse përzihet me ujë në raportin 3 me 1.
Soda e bukës është një deodorant mjaft i mirë, ajo mund të përdoret në formë pluhuri duke e shpërndarë në këmbë dhe në sqetulla poshtë xhaketës, por gjithashtu shërben për të hequr erërat nga duart, pas gatimit, ose mund të vihet në frigorifer për të neutralizuar çdo aromë të pakëndshme. Gjithashtu soda e bukës ndihmon për të lehtësuar parehatin e shkaktuar nga pickimi i insekteve. Për sa i përket pastrimit soda e bukës duhet të jetë kudo. Shpesh rekomandohet për pastrimin e banjës, për shkak se ajo është pak gërryese dhe ka fuqi higjienike.
Limoni
Sa i përket funksioneve të limonit nuk është më pak se soda e bukës. Vlerat e shumta e bëjnë atë një produkt që nuk mund të humbasë në kuzhinë dhe një ilaç për shëndetin. Është ndër frutat me përmbajtjen më të lartë të acidit citrik , një substancë shumë e rëndësishme për të rregulluar aciditetin e trupit tonë. Përmban citrate të natriumit dhe kaliumit, të cilat kanë një fuqi të konsiderueshme pastrimi dhe mundësojnë hollimin e gjakut.
Ai është shumë i pasur me vitaminë C , por përmban edhe vitamina B1, B2, A, PP. Në lëngun dhe lëkurën e saj ka minerale të tilla si kalcium, hekur, fosfor, mangan dhe bakër. Limoni është gjithashtu i pasur me flavonoide, komponimet kimik natyral, i zakonshëm në bimët me antioksidant të lartë, që ndihmon sistemin imunitar në parandalimin e sëmundjeve kardiovaskulare dhe inflamatore.
Ashtu sikurse e dimë limoni ndihmon për të parandaluar ftohjen dhe gripin, ndihmon në balancimin e pH të trupit, reduktimin e nivelit të kolesterolit në gjak, reumatizmës, artrit, tretjes dhe aktivitetit të zorrëve. Është i dobishëm për pastrimin e mëlçisë dhe për trajtimin e gurëve të tëmthit.
Është një përbërës i rëndësishëm për kozmetikën në shtëpi: disa pika në lëkurë në rast të pickimeve të insekteve, lytha dhe plagë, ndihmon për dezinfektimin dhe përshpejtimin e shërimit. Limoni është një tonik për lëkurën me yndyrë, gjithashtu ka fuqi zbardhuese në lëkurë, por duhet të përdoret me kujdes për shkak të aciditetit të saj. E njëjta aftësi zbardhuese përdoret edhe për dhëmbët, dezinfektues për të forcuar mishrat, por edhe këtu duhet të tregojmë shumë kujdes sepse mund të ndikojë në smaltin e dhëmbëve.
I përzier me elementë të tjerë hidratues është gjithashtu i dobishëm për forcimin e thonjve. Nëse shtohen disa pika limon në shampon që përdorim zakonisht ndihmon në luftimin e problemit të yndyrës dhe zbokthit në flokë.
Mos harroni se është i dobishëm në rastet e mbipeshës dhe obezitetit sepse me pektin dhe fibrat që përmban, ndihmon në luftimin e urisë, ndërsa me fuqinë e tij detoksifikuese dhe drenuese ndihmon për të humbur peshën.
Ai ka fuqi higjienike dhe është i shkëlqyer për pastrim: është ndër përbërësit më të përdorur për detergjentet e bërë vetë. Lënia e rrobave të leshta në ujë dhe limon ndihmon në parandalimin e ashpërsisë së tyre. Përzierja e kripës me limon ndihmon për heqjen e ndryshkut nga sipërfaqet.
Në kuzhinë mund të përdoret për të pastruar frigoriferin dhe vendosja e lëngut të limonit për t’u zier në mikrovalë ndihmon për ta pastruar atë shpejt dhe natyrshëm. Për shkak të fuqisë së saj dezinfektuese dhe çngjyrosëse mund të përdoret për të ndriçuar dërrasat.
Përgatiti: Brikela Daci / Burimi / http://www.greenstyle.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
