E vogla Aubrey Alvarez është vetëm tre javëshe dhe po qarkullon nëpër rrjetet sociale falë një fotografie në të cilën ajo shfaqet duke fjetur dhe buzëqeshur, mbështetur në dorezat e babait të saj, motoristit Hector Alvarez, sikur po mbahej dhe mbrohej prej tij.
Hektori u vra një muaj para se të lindte Aubrey.
Nëna e foshnjës, fotografja Kim Stone, postoi foton në Facebook shoqëruar me këtë koment:
“Babai i saj e donte motorin. Ai gjithmonë ka përdorur të gjitha mjetet e mbrojtjes. Ai donte të garantonte sigurinë e tij, nuk mund të rrezikonte duke ditur që foshnja ishte rrugës. Por kurrë nuk do ta mbajë foshnjën e tij në krahë. Një muaj para se të lindte, jeta e tij u mor nga dikush që e konsideronte mik të tij. Thonë se kur foshnjat buzëqeshin ndërsa flenë, ndodh sepse engjëjt po flasin me ta. Mbase është e vërtetë”, vlerësoi Stone pas shkrepjes së fotos.
Dhe kush mund të garantojë se nuk është kështu?
Përgatiti Orjona Tresa / Burimi aleteia.org
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
