Rreth 93% e ujërave të ambalazhuar kanë përmbajtje mikroplastikash. Janë kryer një sërë analizash mbi 259 lloje ujërash të ambalazhuar nga 9 vende të ndryshme të botës dhe rezultatet janë vërtet problematike.
Kjo për faktin se në ujin e shisheve plastike mikroplastikat janë në përqindje të lartë, 10 pjesëza dhe 325 mikropjesëza për litër, duke tejkaluar normat. Plastika e gjetur në ujin që konsumojmë kryesisht është polipropilene, që përdoret për prodhimin e tapave. Ekspertët thonë se kjo sasi është dyfish më e madhe se ato të gjetura në ujin e rubinetit.
Organizata Botërore e Shëndetësisë ndërkohë ka vendosur të nisë hetimet mbi këtë çështje kaq delikate. Studimet dhe analizat u kryen nga Orb Media, një organizatë gazetaresh non profit në bashkëpunim me universitete amerikane.
Burimi / http://tvklan.al
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
