Çdo gjë rrotullohet rreth gjeneve. Pas një studimi të fundit, tani del në pah se një gjen i vetëm është në bazë të një difekti shumë të përhapur dhe që prek një person në katër: miopia.
Zbulimi është meritë e një ekipi nga Universiteti i Ben-Gurion, në Izrael dhe është botuar në “American Journal of Human Genetics”. Ekspertët kanë studiuar ADN-në e një tribuje beduine në jug të Izraelit, veçanërisht e prekur nga miopia në moshë të parakohshme.
Studiuesit zbuluan një mutacion të një gjeni të quajtur “LEPREL1”. Ndaj nuk ka pse të habitemi që miopia shpesh është e përhapur në një familje. Gjeni i sapozbuluar ka një lidhje shumë të thjeshtë me sëmundjen: “LEPREL1” shërben për të prodhuar një enzimë që i jep formë bulbës së syrit, nëse kjo zgjatet tepër fillojnë dhe shfaqen problemet me miopinë.
Përgatiti: Manjola EREQI | Botuar në Revistën “Psikologjia”, Nr. 149
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
