Në fokus

October 12, 2017 | 13:14

“E dënuar” në karrige me rrota, historia e Alidës që kërkon ndihmë të jetojë si të tjerët

Pas ndihmës së kërkuar në emisionin ‘Njerëz në Fokus’ të gazetares Ola Bruko në ‘News24’ të një qytetareje me aftësi të kufizuara, e cila kërkoi të ndërtohet rampa (rrëshqitëse) për karrocën në pallatin ku jeton, bashkia e Tiranës është treguar e gatshme për ta ndërtuar atë falas. Alida Taluri prej 4 vitesh gjendet në karrocën me rrota për shkak të një aksidenti që pësoi në Itali, ku u rrëzua nga shkallët dhe dëmtoi shtyllën kurrizore.

Aida Taluri, Paraplegjike

Aida Taluri, Paraplegjike

Përveç fatit të saj të keq, qytetarja me aftësi të kufizuara u shpreh në emision se e kishte të vështirë të dilte nga shtëpia për shkak të infrastrukturës. Bashkëshorti i saj, Kostandin Taluri tha se kishte bërë kërkesë në bashki dhe kishte marrë edhe lejen për ndërtimin e rampës, por për momentin nuk mund ta ndërtonte.

emisioni

Gjatë emisionit të dedikuar për personat me aftësi të kufizuara, zv.ministrja e Shëndetësisë dhe Mbrojtjes Sociale, Bardhylka Kospiri tha se po punohet shumë që të garantohen të drejtat e plota të personave me aftësi të garantuara, ndërsa deputetja e PD, Oriola Pampuri tha se ligjet janë të mira, por implementimi i tyre është i vështirë.

Orjola Pampuri, Deputete e PD

Orjola Pampuri, Deputete e PD

“Ligjet janë të mira, por implementimi i tyre është i vështirë. Unë kam pasur kontakte dhe këta persona ndihen të pambrojtura në ligj. Ata nuk e shohin veten të përfaqësuar. Personat me aftësi të kufizuar ndihen të pashpresë dhe nuk ndihen të mbështetur”- tha Pampuri.

https://www.youtube.com/watch?v=Aq5-SYMQQ2Q

To Top

Powered by themekiller.com anime4online.com animextoon.com apk4phone.com tengag.com moviekillers.com