Në disa mëngjese ju zgjoheni me energji për të shkuar në punë dhe për të bërë listën e gjërave që keni në plan. Në ditë të tjera, mallkoni mëngjesin dhe zilen që ju çoi nga gjumi, dhe kërkoni nënkresë edhe pesë minuta shtesë për të ëndërruar fluturimin më të parë drejt një vendi tropikal. Pa përmendur uljet dhe ngritjet që përjetojmë brenda një dite: Gjëja e parë që bëjmë në mëngjes (një stërvitje dhe një ekspres) dhe ndihemi si një reklamues për motivim. Në kohën kur vjen pasditja, fillojmë të llogarisim orën mbrapsht, me padurimin për të ecur sa më shpejt.
Identifikimi i “pse-ve” pas veprimeve që kryejmë, mund të sjellë motivim për t’i bërë më të lehta ditët kur ndihemi më pak të frymëzuar. Nëse jeni duke tërhequr veten në palestër ose duke u zvarritur në punë, një ndryshim në procesin e të menduarit për t’u rilidhur në burimin tuaj të motivimit mund t’ju japë nxitjen për të bërë atë që doni. Motivimet janë kryesisht të ndara në dy kategori: të jashtme dhe të brendshme. Lajmi i mirë është se nëse asnjëri prej tyre nuk e kryen punën, studiuesit kanë identifikuar një lloj të tretë të motivimit që është mjaft i fuqishëm.
I jashtëm
Shanset janë se shumë nga gjërat që bëni çdo ditë janë të motivuara nga jashtë. Sipas studimit të publikuar në “Contemporary Educational Psychology”, “motivimi i jashtëm është një konstrukt që ka të bëjë me çdo veprimtari që të arrihet një rezultat i ndashëm”. Ashtu si të ushtrohesh për të humbur peshë, të mësosh të flasësh një gjuhë të huaj për t’u bërë përshtypje miqve të tu, ose të punosh për të mos bërtitur shefi.
“Motivimi i jashtëm është të bërit diçka për shpërblimet që merrni nga jashtë. Në karrierën tuaj, kjo mund të përfshijë përfitime financiare, shpërblime, ngritje në detyrë ose shmangien e shkarkimit nga puna”, thotë Shawna Clark, pronare e Clark Executive Coaching, një kompani për zhvillimin e lidershipit.
I brendshëm
I njëjti studim e përcakton motivimin e brendshëm si “të bërit një aktivitet për kënaqësinë personale. Kur një person motivohet së brendshmi, më tepër vepron për argëtim ose sfidë, se sa për shkak të produkteve, presioneve ose shpërblimeve të jashtme”. “Motivimi i brendshëm funksionon sepse ju bën të ndiheni mirë. Ju ndjeni së jeni shpërblyer së brendshmi për atë që bëni”, thotë Clark.
Familja
Gjetja e motivimit të brendshëm nuk është gjithmonë e lehtë, veçanërisht për ata që nuk janë të pasionuar me punën. Për fat të mirë, ka një mënyrë për ta kompensuar: Mendoni për familjen tuaj. Kjo është shfaqur si një burim i tretë motivimi që provohet të jetë një burim i fuqishëm frymëzimi, madje edhe për ata që nuk ndihen të motivuar ose të motivuar në mënyrë ekstreme për të bërë diçka.
Një studim i ri i botuar në “Academy of Management Journal” vëzhgoi një grup punonjësish në fabrikë, puna e të cilëve detyronte kryerjen e të njëjtës detyrë çdo ditë, pa ndonjë shpërblim për performancë të mirë. Ju do të mendoni se në mungesë të një motivuesi të brendshëm dhe të jashtëm, punëtorët do të kishin pak nxitje për të punuar më shumë. Por ajo që studiuesit zbuluan, ishte se njerëzit që nuk kanë asnjë nga dy llojet e motivimit, vazhdojnë të nxiten nga një faktor i tretë, i quajtur “motivimi i familjes”.
“Motivimi i familjes mund të lidhet me motivimin e brendshëm dhe të jashtëm. Nëse familja është një vlerë e lartë e juaja, atëherë familja mund të shërbejë si një motivues i brendshëm. Nëse ndieni presion ose detyrime familjare, atëherë kjo është më shumë një motivues i jashtëm”, thotë Clark.
Botuar në Revistën “Psikologjia”, Nr. 137
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
