Hormoni i kënaqësisë ‘serotonina’ është një kimikat që neuronet tona prodhojnë për të komunikuar me njëri-tjetrin. Është një neurotransmetues që gjendet në disa rajone të sistemit tonë nervor qendror. I quajtur nga disa studiues si hormoni i lumturisë, është një substancë qetësuese dhe antidepresive, e cila ka një ndikim të drejtpërdrejtë në disponimin tonë.
Ky hormon ndërhyn në trupin tonë, duke rregulluar dhe balancuar oreksin tonë, nëpërmjet ndjesisë së ndjenjës së të ngopurit. Ai është gjithashtu përgjegjës për rregullimin e cikleve tona të gjumit, por një nivel i tepërt i këtij neurotransmetuesi mund të çojë në pagjumësi. Ai luan një rol të rëndësishëm në seksualitetin tonë, pasi kur është në nivele mesatarisht të ngritura, ka një rritje të dëshirës seksuale. Serotonina gjithashtu ndërhyn në zemërim, agresivitet, rregullim të humorit, temperaturën e trupit dhe ndjesinë e dhimbjes.
Çfarë bën serotonina në trupin tonë?
Në nivelet e duhura, serotonina prodhon një ndjenjë kënaqësie dhe mirëqenieje në trupin tonë. Në të kundërt, kur është në nivele të ulëta, për shkak të dietës së dobët ose periudhave të zgjatura të stresit, shoqërohet me çrregullime ankthi. Një nga funksionet më të rëndësishme që ka është rregullimi i temperaturës së trupit. Një ndryshim prej disa gradësh në temperaturën e trupit tonë mund të çojë në një shkatërrim masiv të grupeve të mëdha të indeve qelizore.
Po kërkoni lumturinë? Rritni nivelet tuaja të serotoninës
Rritja e niveleve tona të serotoninës në mënyrë natyrale është një nga gjërat më të mira që mund të bëjmë për nivelin tonë të lumturisë. Praktikimi i rregullt i ushtrimeve relaksuese na ndihmon të eliminojmë stresin, të flemë mirë dhe të ndihemi të pushuar. Ushtrimet e relaksimit konsistojnë në relaksimin e pjesëve të trupit tonë përmes tendosjes dhe relaksimit të muskujve. Kryerja e aktiviteteve që janë të këndshme dhe që na bëjnë të ndihemi mirë, rrit nivelin e serotoninës, duke përmirësuar kështu disponimin tonë. Bërja e diellit dhe mbajtja e një cikli të rregullt gjumi na ndihmon të mbajmë një ekuilibër të saktë të niveleve tona të serotoninës, duke ndikuar drejtpërdrejt në ndjenjën tonë të lumturisë.
Përgatiti K.I / Burimi exploringyourmind.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
