Ju sapo keni dalë vullnetar për të ndihmuar kolegun tuaj të ri. Por tani po përpiqeni të kuptoni se kur mund të gjeni kohën për t’i përshtatur të gjitha. Kjo ndodh shumë – veçanërisht për gratë. Menaxherët shpesh kërkojnë vullnetarë ose në disa raste, caktojnë punonjësit për të marrë përgjegjësi që nuk janë të lidhura drejtpërdrejt me rolet e tyre, vlerësimet e performancës ose rritjen e karrierës. Por vetëm për shkak se shefi juaj po kërkon ndihmë nuk do të thotë që ju gjithmonë duhet të ngriheni.
Është një pjesë e madhe e punës dhe mund të jetë punë e rëndësishme që me të vërtetë e ndihmon organizatën të funksionojë, por nuk është thelbësore për aktivitetet tuaja të përditshme të punës dhe gjërat për të cilat vlerësoheni vërtet. Sigurisht, shumë nga kjo punë shtesë është një pjesë e domosdoshme e drejtimit të një biznesi të suksesshëm – por duhet të shpërndahet në mënyrë të barabartë. Dhe kjo nuk ndodh gjithmonë.
Ndihesh mirë kur thua ‘jo’
Por të thuash “jo” mund të jetë më e lehtë të thuhet sesa të bëhet – dhe mund të ketë një ndikim më të madh tek gratë sesa tek burrat. Babcock tha se hulumtimi i saj tregon se kur gratë thonë “jo” në punë, ato shpesh shihen si jo një lojtare ekipore. Kur vjen puna për të thënë jo, mos u përqendroni në arsyen pse nuk mund ta bëni. “Njerëzit zakonisht japin një justifikim…që nuk i ndihmon kërkuesit… e tëra që duan është ndihmë,” tha Babcock. “Përpiquni të mendoni se për kë mund të jetë në të vërtetë një detyrë e mirë… Nëse dikush ju kërkon të bëni diçka që nuk është e promovueshme për ju, a ka dikush në organizatë për të cilin ajo punë mund të promovohet?”
Nuk duhet të jetë në dorë të punonjësve të thonë ‘jo’
Përgjegjësia nuk duhet të jetë vetëm mbi punonjësit kur bëhet fjalë për t’u siguruar që puna jo promovuese të shpërndahet në mënyrë të barabartë. “Vërtet i takon punëdhënësit të zgjidhë këtë problem…ata nuk duhet t’i japin punë dikujt vetëm sepse mendojnë se janë më pak të gatshëm ta marrin përsipër. Ata duhet t’u japin punonjësve punën që ata janë më të mirët për ta bërë,” tha Vesterlund. Ajo tha se punëdhënësit duhet të jenë të qartë se për çfarë punëtorët duhet të shpenzojnë kohën e tyre dhe çfarë do të përfshihet në rishikimet e performancës së tyre.” Kompanitë duhet gjithashtu të shikojnë se kush është duke bërë punën më të papromovueshme dhe si ndahet puna.
Përgatiti K.I / Burimi edition.cnn.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
