Një gjykatë bjelloruse ka dënuar një gazetare me më shumë se tetë vjet burg për raportimin e protestave masive të opozitës në vitin 2020.
Katerina Bakhvalova, e njohur profesionalisht si Katsiaryna Andreeva, u shpall fajtore për “tradhti shtetërore” të mërkurën. Në një gjyq të zhvilluar me dyer të mbyllura në qytetin e Gomelit, 28-vjeçarja u dënua me tetë vjet e tre muaj burg. Ajo tashmë po vuan një dënim me dy vjet burg pas një dënimi të mëparshëm.
Dënimi u raportua nga punëdhënësi i saj — gazeta polake e lajmeve Belsat — dhe grupe të ndryshme të të drejtave të njeriut në Bjellorusi. Andreeva u arrestua në nëntor 2020 teksa po filmonte një protestë kundër regjimit të presidentit bjellorus Alexander Lukashenko. Ajo u shpall fajtore për organizimin e trazirave dhe së bashku me kolegen e saj Daria Chultsova në shkurt 2021. Disa muaj më vonë, Belsat u shpall një organizatë “ekstremiste” nga Bjellorusia.
“Më zemëron kaq shumë kur shoh regjimin të hakmerret ndaj atyre që guxojnë të rezistojnë”, tha liderja e opozitës bjelloruse në mërgim, Sviatlana Tsikhanouskaya në Twitter. Në një deklaratë, Amnesty International ka dënuar gjithashtu gjyqin e Andreevws si “politik” dhe “një mashtrim”.
Drejtoresha e OJQ-së për Evropën dhe Azinë Qendrore, Marie Struthers, dënoi një “vendim të ri të tmerrshëm dhe të padrejtë” kundër një gazetari “të guximshëm”. “Katerina Andreeva dhe kritikët e tjerë të autoriteteve bjelloruse, të cilët janë burgosur thjesht për ushtrimin paqësor të së drejtës së tyre për lirinë e shprehjes, duhet të lirohen menjëherë”, shtoi ajo. Sipas OJQ-së Viasna, gjithsej 1,260 njerëz janë aktualisht të burgosur në Bjellorusi që kur shpërthyen protestat e opozitës pas rizgjedhjes së diskutueshme të Lukashenkos.
Përgatiti K.I / Burimi uk.news.yahoo.com
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.