Dieta dhe mënyra e jetesës ndihmojnë për të ngadalësuar akrepat biologjikë të orës. Janë tre faktorë kryesorë që rregullojnë plakjen, inflamacionin, metabolizmin e yndyrës dhe sheqerit, që të tre mund të kontrollohen kryesisht me ushqimin e duhur. Ky është përfundimi i një studimi të kryer nga një bashkëpunim mes I.R.C.C.S.
Neuromed di Pozzilli (IS), Universiteti i Bolonjës, Universiteti i Insubria në Varese dhe Universiteti Lobachevsky i Nizhny Novgorod (Rusi) është botuar në “Aging Research Reviews”. Puna, e cila shqyrtoi të dhënat nga një numër studimesh mbi këtë temë, mund të çojë në ide të reja se si të ngadalësohet procesi i plakjes.
Në fakt, pranë moshës personale ka një moshë biologjike, ajo që realisht pasqyron se sa po plaket trupi ynë. Duke modifikuar proceset inflamatore, si dhe duke kontrolluar yndyrnat dhe sheqernat në trupin tonë, mund të pakësojmë pjesërisht moshën biologjike të secilit prej nesh.
Më pas, me analizën e tyre, studiuesit ishin në gjendje të përcaktojnë tre “rrugë” kryesore të zakonshme që duket se ndikojnë në moshën biologjike të një personi: inflamacioni, metabolizmi dhe transporti i lipideve dhe metabolizmi i karbohidrateve.
“Këto rezultate – shpjegon Aurelia Santoro, studiuese në Departamentin e Mjekësisë së Specializuar, Diagnostike dhe Eksperimentale të Universitetit të Bolonjës – tregojnë se si ndërhyrjet në stilin e jetës, për shembull respektimi i një diete të tipit mesdhetar, kufizimi i kalorive ose agjërimi me ndërprerje, mund të ndikojnë saktësisht në tre proceset biologjike të identifikuara, duke vepruar në metabolizmin, lipidet dhe karbohidratet, por edhe duke ulur nivelin e inflamacionit dhe stresit oksidativ të organizmit”.
Përgatiti Orjona Tresa / Burimi ansa.it
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
