Fëmijët janë një emocion i madh por edhe një revolucion traumatik për çiftin, i cili duhet të gjejë një ekuilibër të ri. Jeta që krijohet në fillim të një lidhjeje, kur njeriu shkon për të jetuar bashkë, nuk ka të bëjë fare me jetën e një çifti me fëmijë. Gjithçka ndryshon, sigurisht për mirë, por duhet të jeni të përgatitur sepse përditshmëria nuk do të jetë më e njëjta. Ju duhet të kujdeseni për ta, t’i edukoni dhe të lini që gjithçka të shkojë mirë.
Gjatë shtatzënisë ndodhin ndryshime që nuk janë unike për gruan. Edhe pse është e sigurt se ka tronditje të dukshme fizike dhe emocionale tek nënat në pritje, roli i mashkullit mbetet shumë i rëndësishëm gjatë procesit të shtatzënisë. Gjithçka është më e thjeshtë kur partneri përfshihet menjëherë dhe interesohet për gjendjen fizike dhe emocionale të partnerit.
Lindja e fëmijës është një tjetër moment i rëndësishëm: lind një fëmijë, por lindin edhe prindërit. Pasi shtatzënia dhe lindja mbarojnë, ju shkoni në shtëpi dhe jeta përmbyset, ndodh lodhja, gjumi dhe rraskapitja e thellë. Detyrat duhet të ndahen mirë në mënyrë që gjithçka të funksionojë. Kjo është vështirësia e vërtetë.
Ajo që duhet të kuptoni, si bashkëshorte, është se rraskapitja është e njëjtë për të dy dhe secili është përgjegjës për fëmijën në mënyrë të barabartë. Shumë shpesh gruaja ndjehet më e lodhur ose më e rëndësishme. I vogli nuk ka nevojë për prindër që zemërohen, që humbasin durimin për shkak të lodhjes apo komunikimit të keq. Netët e vështira janë të vështira për si për mamin ashtu dhe babin. Duhet shmangur kërkimi i fajtorit në çift.
Nëse mendoni se marrëdhënia juaj ka filluar të ndryshojë pasi jeni bërë prindër është e rëndësishme të kërkoni zgjidhje për të ruajtur dhe përmirësuar marrëdhënien tuaj. Fokusoni gjithçka tek komunikimi dhe nëse është e nevojshme kërkoni ndihmë, gjeni kohë për ta shpenzuar me partnerin tuaj dhe rizbuloni dashurinë që ju lidh.
Burimi / https://www.donnad.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
