FB

June 21, 2022 | 8:00

Mos lyp për dashurinë e të tjerëve, ata që të bëjnë të ndihesh i padukshëm nuk të meritojnë

Keni pasur ndonjëherë një marrëdhënie me një person që e vendos veten të parën, që kërkon avantazhin e tij dhe që nuk është gjithmonë i sinqertë dhe autentik? Në këto raste, njeriu përjeton një nga ndjesitë më shqetësuese: të ndjehesh i vetëm pranë personit që dashuron.

Nuk mungon koha, mungon interesi

Ka njerëz që nuk dinë të dashurojnë, nuk dinë të ndajnë, nuk kuptojnë çfarë do të thotë të kujdesesh për çiftin, të kesh vëmendje për detajet e një marrëdhënieje që duhet ushqyer çdo ditë dhe duhet bërë nga gjërat e vogla. E kam fjalën për personat me mangësi emocionale, me mungesë inteligjence emocionale, të cilët në fakt janë në një lidhje, por mund të ofrojnë vetëm pakënaqësi, ndjenjën e zbrazëtisë dhe, rrjedhimisht, vetminë. Kjo sjellje na bën të mendojmë se tjetri po ofron një shoqëri të rreme kur, në realitet, është mungesë pjekurie emocionale, por kjo nuk na bën të ndihemi më pak të pakënaqur.

Mos lejoni askënd t’ju tregojë se si ta jetoni jetën tuaj ose si të jeni të lumtur

Të jetosh është të zgjedhësh lirshëm, të pranosh gabimet e tua dhe të fillosh projekte të reja. Mos e vendosni lumturinë tuaj plotësisht në duart e dikujt tjetër. Nuk meriton të jetosh vetëm në dritën e reflektuar dhe të jesh vetëm jehona e zërit të dikujt tjetër! Nëse keni ndjenjën se jeta juaj bazohet vetëm në zgjedhjet dhe vendimet e një personi tjetër, reagoni. Përndryshe, rrezikoni të përjetoni zhgënjim dhe pakënaqësi. Jeta është shumë e shkurtër për të jetuar ëndrrat e të tjerëve dhe për të lënë tuajat në qoshe. A nuk mendoni?

Si mendoni se jeni?

Njihuni, pranoni veten, respektoni dhe vlerësoni veten. Në fund të fundit, shoqëruesi që mbi të gjitha do të jetë pranë jush, gjithmonë, kudo dhe sido që jeni, dhe është ky shoqërues që para së gjithash meriton vendin e nderit në jetën tuaj, sepse përmes tij jetoni. të gjitha përvojat tuaja, dhe nëse ai është në formë, do të jeni edhe ju.

 

 

Përgatiti K.I / Burimi psicoadvisor.com

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
Drejtor Marketingu - Geart Shehu: 0682097486
Agjente Marketingu:
Erinda Topi: 0688019400
Boana Shenjtolli: 0694767053
E-mail: [email protected]

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top