Vitet e filmave dhe romaneve kanë shtrembëruar idenë tonë për Dashurinë, duke krijuar një të tillë që vetëm na bën të pakënaqur sepse nuk korrespondon me realitetin. Asnjë princ simpatik dhe asnjë princeshë nuk dëshiron të flejë derisa një burrë ta shpëtojë, në emër të dashurisë së vërtetë. Gjithçka në jetë rrjedh shumë më normalisht dhe pa e humbur vlerën.
Për shembull, shumë ndalojnë te ideja e fluturave në stomak si një simptomë për të kuptuar nëse janë apo jo vërtet të dashuruar me personin që kanë përballë. Fluturat janë, shumë më tepër, një simptomë e ankthit: dashuria nuk ka asnjë lidhje me to.
Si të jesh i lumtur në një marrëdhënie kaq të çmitizuar? Fillimisht duhet të braktisim idenë se një marrëdhënie mund të na bëjë të ndihemi më mirë. Nëse nuk ndihemi mirë vetë, nuk mund të presim që partneri të zgjidhë problemet dhe gjërat tona.
Në marrëdhënie, është thelbësore të ruash kufijtë, të mbeteni dy individë të ndryshëm. Duke u nisur nga kjo ide është e rëndësishme të jeni të qartë për pritshmëritë dhe dëshirat që keni, në lidhje me vetë marrëdhënien. Komunikimi mbetet i një rëndësie themelore: pa komunikim krijohen zhgënjime dhe heshtje të cilat më pas janë të vështira për t’u shëruar.
Merrni parasysh faljen: mos prisni që tjetri të mos gabojë kurrë. Natyrisht duhet të jetë një gabim i bërë pa keqdashje. Nëse mundeni, falni, konsideroni se ne jemi njerëz dhe bëjmë gabime. Nëse, nga ana tjetër, ndiheni shumë të lënduar, merrni kohën tuaj.
Burimi / https://www.inran.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
