Aroma e çajit të dafinës është në gjendje të aromatizojë shtëpinë me nuanca mesdhetare, gjë që e bën edhe të këndshme për t’u pirë. Nëse duam një çaj bimor me veti të dobishme, sigurisht që ai me bazë gjethet e dafinës, i njohur për disa përfitime për trupin e njeriut, është një zgjedhje e mirë shëndetësore.
Por le të shohim se cilat janë efektet që sjell në shëndet kjo bimë, e përdorur në kuzhinë për mishrat dhe salcat. Një mënyrë për të përshpejtuar tretjen është konsumimi i një çaji të ngrohtë me gjethe dafine, duke u mbështetur në vetitë që gjethet kanë në stomak dhe zorrë. Gjethet e dafinës njihen si një ndihmë e vlefshme për dispepsi, infeksione gastrointestinale, fryrje, kapsllëk dhe diarre, por shpesh përdoren edhe si diuretik. Jo vetëm kaq, pasi çaji i nxehtë bimor përdoret gjithashtu për të ndihmuar në pastrimin e traktit respirator, duke ndihmuar në shpërbërjen e gëlbazës.
Ka edhe studime që i atribuojnë fuqitë anti-inflamatore gjetheve të dafinës, pasi ato përmbajnë parthenolid, një fitonutrient që duket se qetëson inflamacionin dhe irritimin. Nga ana tjetër, acidi kafeik i pranishëm në gjethe është një aleat i rëndësishëm për shëndetin e zemrës dhe sistemin kardiovaskular. Çaji i gjetheve të dafinës është gjithashtu një alternativë e mirë për kamomilin klasik, pasi linalooli është gjithashtu i pranishëm në bimë, efektiv në uljen e stresit në mendje dhe në trup. Ka gjithashtu studime të vazhdueshme mbi efektivitetin e këtij ilaçi natyral edhe për të mbajtur nën kontroll diabetin dhe ndryshimet e sheqerit në gjak.
Por pa dyshim që nuk mund të priten efekte të mrekullueshme, veçanërisht nëse kontrolli dhe terapitë e sugjeruara nga mjeku nuk ndiqen.
Burimi / https://www.donnad.it/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
