Shumë prej nesh ndihen fajtorë nëse hanë për mëngjes një copë picë, por mund të mos jetë gjëja më e keqe që mund të zgjedhim për mëngjes. Sipas nutricionistes Chelsey Amer, ngrënia e picës për mëngjes është në të vërtetë më e mirë për ju sesa disa gota me drithëra me sheqer.
Sigurisht, pica nuk është zëvendësim për ushqimet më të shëndetshme të mëngjesit si muesli dhe drithëra të tjera me pak sheqer, por mund të jetë një zëvendësues i pranueshëm për çdo gjë të mbushur me sheqer. Chelsey tha: “Çuditërisht, pica mund të jetë një opsion më i balancuar për mëngjes sesa shumë drithëra të mbushura me sheqer. Një fetë pica me djathë të thjeshtë përmban një ekuilibër të karbohidrateve, proteinave dhe yndyrave. Një tas me drithëra me sheqer me qumësht me pak yndyrë është kryesisht sheqer dhe jashtëzakonisht i rëndë në karbohidrate.”
Dr. Lauren Kelly gjithashtu shqyrtoi pretendimet dhe nxitoi të theksojë se pica nuk është veçanërisht e mirë për ju – por që shumica e drithërave të disponueshëm sot janë edhe më keq. Lauren gjithashtu këmbënguli se pretendimet e Chelsey për picën ishin krijuar për të “theksuar se drithërat kanë vlerë të dobët ushqyese”, në vend që të lavdërojë picën.
Ajo shtoi: “Jo se pica është zgjedhja më e mirë, por njerëzit zakonisht e konsiderojnë picën një ushqim mashtrues, e kundërta e një zgjedhjeje të shëndetshme.” Dhe Chelsey u pajtua, duke thënë se ajo “nuk po e rekomandonte picën si një mëngjes të përditshëm”, por në vend të kësaj u përpoq t’i dekurajonte njerëzit që të hanin drithëra me sheqer. Ajo sqaroi: “Njerëzit duhet të përqendrohen në një ekuilibër të karbohidrateve me fibra të larta, proteina dhe yndyrna të shëndetshme për të qëndruar të ngopur gjatë gjithë mëngjesit.
Lauren dhe Chelsey thonë se gjëja më e mirë për të bërë është të mendoni për atë që hani dhe të përpiqeni të bëni zgjedhje të shëndetshme për çdo vakt.
Burimi / https://www.mirror.co.uk/
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
