Përgatiti Esmeralda Birçaj, eksperte e shëndetit mendor
Lodhja psikologjike nuk ndodh nga dobësia por për shkak të forcës që keni fituar pas shumë gjërave që kanë ndodhur.
Lodhja psikologjike është zakonisht një proces i ngadaltë në të cilin pika e tejmbush gotën pa e kuptuar ju. Problemi është se herët a vonë do të vijë shpërthimi, kryesisht për shkak të situatave që keni përballuar prej kohësh.
Lodhja psikologjike është një gjendje e lodhjes së skajshme mendore dhe emocionale, e cila shpesh shoqërohet me ndjenjën e mungesës së forcës fizike. E thënë thjesht, kjo ndodh kur jep shumë dhe merr pak, për sa i përket pjesës emocionale. Shpesh karakterizohet si një lloj pasiviteti fizik dhe mendor, një ndjenjë rëndese që të rrethon çdo ditë.
Arsyet ndryshojnë, megjithëse në shumë raste ka një emërues të përbashkët, të cilin e përmendëm më lart, që jep shumë dhe merr pak. E gjithë kjo në fillim duket si diçka e thjeshtë, por në fund të konsumon dhe të lodh.
Në raste të tjera, lodhja mendore shkaktohet nga ndryshimet e shumta që bëhen në një periudhë të shkurtër kohore, megjithëse mund të jenë pozitive. Por kur ato ndodhin shumë shpejt nuk mund t’i përballoni dhe ndiheni të rraskapitur.
Në këto raste, edhe pse keni atë që dëshironi, në mendjen tuaj është një lloj sensori që ju tregon se diçka nuk shkon.
Simptomat e lodhjes mendore janë si më poshtë:
-Humbje energjie
-Nervozizëm
-Irritim
-Pagjumësi
-Humbje motivimi: Kur jeni jashtëzakonisht i rraskapitur, thjesht nuk gjeni asnjë rrezik.
-Kujtesa jo aq e mirë: Ju ndoshta harroni atë që keni ngrënë një ditë më parë ose punët që duhet të bëni. Kjo ndodh sepse mendja është shumë e lodhur dhe nuk mund të vazhdojë të përpunojë dhe ruajë informacionin në nivelin e ndërgjegjshëm.
© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.
