FB

April 1, 2021 | 8:15

Trishtimi vjen për të të thënë se duhet të ndalosh së qeni tolerant

Përgatiti Esmeralda Birçaj, eksperte e shëndetit mendor

 

Kur dikush është i trishtuar, ai nuk shpreson, nuk gëzohet, zhgënjehet lehtë dhe nganjëherë dekurajohet nga përpjekja për të gjetur dritë dhe shpresë. Sa më shumë që e shtyn veten të dalë nga pikëllimi i tij, aq më shumë ndjehet fajtor që nuk është në gjendje ta bëjë atë, ai zemërohet me veten dhe ky zemërim riciklon trishtimin.

2

Kur dikush ndihet në këtë mënyrë, mendja dhe zemra e tij ngecin në një moment dhe nuk mund të lëvizë lehtë, të gjejë një ritëm të ri.

Ajo që keni frikë riciklohet vazhdimisht, çdo gjë që ju bën të ndjeheni fajtorë ose të turpëruar, vërtitet rreth mendjes tuaj dhe ju bën të prekshëm. Mendoni se mund të kishit bërë më shumë për të parandaluar një ngjarje në jetën tuaj, jeni i trishtuar sepse ndjeheni fajtorë për të.

Këto mendime ju hedhin pa pushim dhe ju bëjnë të ndjeheni të padobishëm dhe fajtorë, derisa të ndjeheni se nuk jeni i denjë për askënd ose asgjë.

Ju mendoni se nuk jeni mjaft të mirë për këtë person, për këtë ndjenjë, për këtë punë, derisa të ndjeheni aq të lodhur sa nuk mund të merrni frymë. Mendoni se nuk meritoni t’ju duan dhe kjo është arsyeja pse nuk kërkoni lehtësisht ndihmë nga të tjerët.

Nga njëra anë, mendoni se nuk mund ta duroni më, dhe nga ana tjetër, kritikoni veten për mendimet tuaja.

Por, aq sa ju e pranoni pikëllimin tuaj, jo si një pikë të zezë në jetën tuaj, por si një situatë që ju ndodh, pa e kritikuar apo refuzuar veten, por edhe pa e thirrur atë në një mënyrë të mbaruar, kështu që edhe ajo mund të bëhet mike dhe jo armike e juaja.

Nëse e përqafoni atë si një mik që erdhi për t’ju gjetur e për t’ju dhënë mesazhin e tij, për t’ju mbrojtur nga diçka më serioze, do ta dëgjoni mesazhin e tij.

Nëse e trajtoni me respekt, do ta ndjeni ndryshe, nuk do përpiqeni ta ndryshoni, ta kontrolloni, ta impononi.

Trishtimi vjen për t’ju thënë se diçka duhet të ndryshojë në jetën tuaj. Diçka në të vërtetën tuaj nuk është zbuluar ende. Një aspekt i vetes mbetet në errësirë dhe ju fton ta ndriçoni atë, ta theksoni atë, ta mbështesni atë, ta shihni pamjen e tij dhe të magjepseni prej tij.

Çdo simptomë juaja, të cilat mund t’i gjeni të padobishme, janë të dobishme në fund të fundit nëse shihni përfitimet. Me fjalë të tjera, nëse ndjeheni të dobët, trishtimi erdhi t’ju tregojë se duhet të ndaloni ta imagjinoni veten si të gjithëfuqishëm dhe duhet të pranoni dobësinë tuaj. Nëse kërcisni dhëmbët, do të thotë që ju duhet të mësoni të shprehni emocionet tuaja negative dhe jo t’i shtypni ato. Nëse fitoni peshë, duhet të merreni me barrën mendore që po ju shqetëson dhe që ju kërkon të mos e gëlltisni atë, por ta ndihmoni atë të lëshohet.

Hidhërimi erdhi t’ju tregojë se diçka duhet të ndryshojë në jetën tuaj. Se ju duhet ta dëgjoni veten më shumë, t’i besoni të vërtetave tuaja, të kaloni një kohë të bukur me veten tuaj, të bëni gjëra të thjeshta të përditshme, në të cilat do të ndjeheni vetja në to. Se ju duhet të ndaloni të krahasoni veten me të tjerët dhe të bëni atë që ju pëlqen, të bëni ato çfarë ju bën të ndjeheni vetja dhe të mos mendoni për humbjet që mund të pasojnë.

Nëse e keni veten së bashku, do të keni atë që ju nevojitet vërtetë. Nëse keni një aleat, do të keni ata që përpiqen në të njëjtën mënyrë për jetën e tyre.

Hidhërimi erdhi për t’ju thënë se duhet të ndaloni të jeni tolerant, të bëni atë që ju bën të vlerësoni veten, të pranoni vlerat tuaja, t’i respektoni ato dhe t’i nderoni ashtu siç e meritojnë.

Trishtimi erdhi për t’ju thënë se duhet ta doni veten, të jeni të mirë në atë që bëni, të respektoni veten, mos u përpiqni të ndryshoni veten për të tjerët. Ndryshimet ndodhin sepse ju i dëshironi ato dhe nga dashuria për veten, këtë vete të çmuar dhe të rëndësishme.

Trishtimi është miku juaj dhe si mik pret ta përqafoni.

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top