FB

September 15, 2021 | 8:25

Paratë nuk mund ta blejnë dashurinë! Arritja e suksesit financiar mund të prishë marrëdhëniet personale

 

Njerëzit të cilët vlerën e tyre e bazojnë në suksesin financiar, kanë marrëdhënie romantike më pak të kënaqshme. Studiuesit qëmtuan sesi vuajnë marrëdhëniet kur jemi shumë të fokusuar tek paratë. Ekipi rekrutoi qindra çifte dhe vlerësoi nivelet e tyre të vetëvlerësimit. Njerëzit të cilët e mbështetën vlerën e tyre tek financat e tyre, kishin më shumë konflikte në marrëdhënie. Ndjenja e presionit për të arritur suksesin financiar mund të prishë marrëdhëniet personale.

3

Shqetësimet financiare tashmë janë të njohura si një nga burimet kryesore të konfliktit në një marrëdhënie romantike. Por një studim i ri zbulon se njerëzit që e bazojnë vlerën e tyre tek të ardhurat që fitojnë, përplasen më shpesh me partnerin e tyre. Ekipi i studiuesve në Michigan dhe Teksas, rekrutoi qindra njerëz në martesë ose në një marrëdhënie të përkushtuar. Ata zbuluan një lidhje midis konfliktit, si argumentet, dhe vetëvlerësimit i kushtëzuar financiarisht’ (FCSË)-ndjenjës se vlera personale varet nga aftësia për të arritur sukses financiar. Çuditërisht, kjo lidhje u zbulua pavarësisht nga sa para ata fitonin apo niveli i tyre i stresit ekonomik.

Edhe pse ekspertët nuk mund ta shpjegojnë lidhjen, ka të ngjarë që dikush që po i kushton më shumë vëmendje financave të tij, po neglizhon nevojat e ndryshme të partnerit, duke shkaktuar konflikt. Studimi u drejtua nga Deborah E. Ward, asistent/profesore e psikologjisë në Universitetin Shtetëror Saginaw Valley në Michigan.

“Nuk është rasti që të pëlqesh, të vlerësosh ose të dëshirosh të kesh para dhe/ose sukses financiar është një gjë e keqe,” tha profesoresha Ward për PsyPost.

“Është kur një person e sheh suksesin financiar si një komponent thelbësor të asaj që e bën atë një person të mirë ose të vlefshëm, që mund t’i hapë ata ndaj dobësive.”

Studiuesit fillimisht rekrutuan 434 pjesëmarrës, të cilët ishin në një lidhje të përkushtuar, të martuar apo ndryshe afatgjatë. Ata u vlerësuan për nivelet e tyre të FCSW dhe sa shpesh kishin pasur mosmarrëveshje me partnerin e tyre. Pjesëmarrësit që raportuan nivele më të larta të FCSW raportuan konflikte financiare më të shpeshta me partnerët e tyre, zbuluan ekspertët. Interesante, këto konflikte nga ana e tyre u lidhën me nivele më të ulëta të kënaqësisë në marrëdhënie dhe kjo lidhje mbeti statistikisht e rëndësishme edhe pas kontrollit të të ardhurave, presioneve ekonomike dhe materializmit. 74 nga 434 pjesëmarrësit gjithashtu përfunduan një studim gjashtë-javor të ditarit, i cili kërkoi që ata të plotësonin një pyetësor të marrëdhënieve çdo javë. Gjatë javëve kur pjesëmarrësit raportuan ndjenja më të larta të FCSW, ata gjithashtu kishin më shumë mosmarrëveshje financiare me partnerin e tyre dhe raportuan se ndiheshin më pak të mbështetur nga partneri.

4

Në një eksperiment pasues, studiuesit rekrutuan 337 persona të tjerë të cilët kishin nivelet e tyre të FCSW të manipuluar me dinakëri. Këta pjesëmarrës ose u caktuan në njërën nga dy kushtet – duhej të lexonin një artikull lajmesh që shpallte përfitimet e suksesit financiar, – ose një artikull tjetër se si suksesi financiar nuk ndikon në cilësinë e jetës.

Aspak befasuese, ata të eksperimentit të parë raportuan FCSW më të lartë në krahasim me ata që lexuan artikullin tjetër. Gjithashtu shfaqën përgjigje më armiqësore ndaj skenarëve financiarë hipotetikë që përfshinin partnerin e tyre, dhe raportuan kënaqësi më të ulët në marrëdhënie dhe mbështetje, të perceptuar nga partneri i tyre. Kjo tregon se thjesht mbjellja e një fare në mendjen e dikujt që suksesi financiar është i rëndësishëm, i bën ata të rivlerësojnë sa mbështetës është partneri i tyre.

Profesoresha Ward vuri në dukje se studimi është korrelacional, kështu që ekipi i saj nuk mund të thotë përfundimisht se të kesh FCSW bën që njerëzit të kenë më shumë konflikte financiare me partnerët e tyre.

“Për shembull, mund të ndodhë që të kesh më shumë konflikte financiare i bën njerëzit të besojnë se të kesh më shumë para do të përmirësonte problemet e tyre në marrëdhënie, gjë që mund të rrisë tendencën për të bazuar vlerën e tyre tek paratë”, tha ajo për PsyPost.

“Ajo që mund të themi është se ne shohim një lidhje të qëndrueshme midis të paturit të një vlere financiare të paparashikuar financiare dhe perceptimit të konflikteve më të mëdha të lidhura me financat në një marrëdhënie.” Studimi është publikuar në Journal of Social and Personal Relationships.

 

Përgatiti Orjona Tresa / Burimi PsyPost

© Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

MARKETINGU:
[email protected] / Cel: 0684022192
[email protected] / Cel: 0688019400

© Revista Psikologjia. Nuk lejohet riprodhimi i shkrimeve pa vendosur autorësinë e revistës "Psikologjia" dhe pa cituar burimin.

To Top